2015年12月6日 星期日

2015.10.25(日)~DAY2~四個小心去旅行-胡志明市6天の旅

DAY2 - 2015.10.25 (日)  
胡志明市(HCMC) / 美拖(My Tho) / 湄公河三角洲(Ben Tre Mekong Delta)

早餐 : 自助早餐@Rex Hotel
午餐 : 湄公河tour(包餐)
晚餐:LemonGrass
宵夜 : 外賣宵夜
 
景點: 美拖 / 湄公河三角洲



住:  Rex Hotel
 * * * * * * * * * * * * * * * 
Good Morning!!! 
今天我地分道揚, 我同朋友仔join左1 day tour去美拖, 湄公河三角洲
Jacklin同Tom就自由活動, 在市內逛逛。

今早叉足電啦, 7點零, 去酒店既餐廳醫肚先~, 都好多野食喎~
 仲有即叫即整越南河~正!
 呢間餐廳坐得幾舒服。樓下有另一餐廳, Vertical Garden。
我地食到就7:45度, 嗱嗱聲去Sinh Tourist啦, 我地Join左8:30出發。


 我地早喺網上訂左個團先~, 約$55蚊HKD/人。超抵。
由於時間緊迫, 我地決定搭的士啦, 喺酒店門口, 原來都好易截的士。
十零分鐘車程, 約VND35000, 即HKD 12-13度, 都抵。
去到約8點05度, 去COUNTER換巴士飛先~
 嘩, 今日星期日,勁多團, 前後都有6團喺差唔多時間出發,我地係01號車, 每人有支水供應。
 車程約2個鐘頭, 到左湄公河附近啦, 我地落車後, 要上船深入湄公河啦。
坐25分鐘度, 上岸啦, 嘩, 好多香蕉呢~
 整米紙既地方, 睇佢既製作過程。
貪得意戴吓越南既傳統帽先~
 11點半度, 去到食LUNCH既地方。當地出名既象耳魚, 服務員幫我地用米紙卷埋黎食。
汽水要自費。
 食完個LUNCH後, 約12:30度, 等埋其他團友, 我地去周圍影吓相先, 又再上船去第二度啦。
 又坐左半個鐘多啲, 去睇蜜蜂。
 佢地沖左蜂蜜+柑桔, 不過好鬼甜。逗留左一陣, 又上船。
 今次去坐小船仔啦。
 呢PART既景好靚, 好多團友都去船頭影~
我地轉左小船, 原來坐好多短時間, 應該約10分鐘內, 話咁快就上岸啦。
 上岸啦, 又有野食, 好多生果, 幾好味, 喺度欣賞越南風味既歌曲。
食住野聽歌,消磨一下時光。
嘩, 有啲團友攞住條大蠎蛇合照TIM~
 跟住行吓行吓, 又去坐馬車啦, 體驗一下, 坐左10分鐘度。
去睇整椰子糖啦。幾好味喎, 買幾包試吓先~。
 差不多下午4點零, 係時候回胡志明市啦。車程又係2個鐘度, 約6點返到啦。

我地又搭返的士返去酒店, JOIN 返JACKLIN同TOM, 然後一齊喺附近餐廳食啦, 
今晚去LEMON GRASS。
 叫左啲小菜, 煮蜆, 撈檬, 都好好味。
 食完大約8點啦, 喺附近大街行吓啦。
 星期日晚好熱鬧, 佢地會封左兩邊馬路, 好多人都喺街度, 坐地下既坐地下, 同朋友吹水既, 一家大細既, 好熱鬧, 又有啲街頭表演, 我地咁啱經過呢度, 咁多人, 咩事呢????
 原來搭正8點, 有地上噴泉表演, NICE!
 今日既感覺,直頭好似喺迪士尼既美國大街一樣, NICE AND RELAX!!!
而且我地間酒店正正喺條街隔離,超級方便。
行到咁上下, 夠鐘啦, 咩事??
 事緣我地BOOK左酒店既SPA, 今晚做90分鐘熱石按摩,有PROMOTION, 正。
約USD38, 3百零蚊港紙咋。抵。
 間房好鬼大, 我一個人霸晒, HAHA。做完後真爽。
 返上房後, 原來佢地都左買宵夜食呢, 正! 今天就是這樣渡過啦~

想睇返DAY1, CLICK HERE

去睇DAY3, CLICK HERE

2015年11月21日 星期六

2015.10.24(六)~DAY1~四個小心去旅行-胡志明市6天の旅

DAY1 - 2015.10.24 (六)  香港(HK) -> 胡志明市(HCMC)

早餐 : (1)Plaza Premium Lounge @hk airport
(2)飛機上
午餐 : 安貢館 (越式地道菜)
晚餐:PHO 24 (河粉連鎖店)
宵夜 :檳城夜市 - 海鮮燒
 
景點: District 1
西貢王公聖母大教堂 Notre Dame Cathedral
胡志明市中心郵政總局 General Post Office
胡志明市人民委員會大廳 
西貢河岸區
檳城市場

住:  Rex Hotel
 * * * * * * * * * * * * * * *
 今次去越南, 十居其九朋友們都會好奇怪咁問, 越南?? 有咩玩架??? 仲要齋胡志明市...去6日咁多????
4日都玩晒啦~~~.... 等等.....

咁今期一次過話俾大家聽啦~~~!!!


因為晨早機關係, 都係早一晚去定sister home住宿一宵吧啦~ 一齊打的去機場啦~!!

嘩, 今日真係超級好運, 一到機場, 就見到陳展鵬, 跟住去到CHECK IN COUNTER, 就陸續見到好多視帝, 嘩~~~~

陳豪, 張繼聰, 馬國明, 吳啓華, 洪永城, 蕭正楠, 黃翠如, 朱千雪, 黎耀祥..等等...仲有汪阿姐

好開心見到陳豪呀~!!!! 梗係集郵啦~!!
 攪掂, 過埋個禁區, 去Plaza Premium Lounge醫肚先~
 時間差唔多啦, 搭CX767, 08:40準時起飛
2個鐘頭35分鐘機程, HAHA 四個小心都係NB人~ HAHA, 食個飛機餐先~
 望吓個天, 天氣似乎幾好喎~
終於到達胡志明市(HMCM)啦, 時間慢香港一個鐘, 10:00到, 比原定時間10:15早左啲啲,正。
第一時間, 去唱少少錢FOR搭車去酒店,

所以先兌USD50先, 個RATE: 22240
唔收CHARGE
買電話卡(MOBIFONE) 約100蚊港紙一張, 7日無限上網, 冇通話服務既,我地要買2張。

我地太懶啦,買電話卡同時, 佢地已問我地要唔要車, 我地費事煩, 就OK LA
佢用9人車車我地, VND220,000 (約港幣80蚊)都合理啦。
咁就攞住張單, 跟住個職員去個COUNTER
 好, 上車!
 廿零分鐘到酒店啦, 呢幾日我地都喺住呢度REX HOTEL, 地點真係超方便。
 唔知係咪因為朋友入住期間生日, 所以UPGRADE左間房?!?!?!
因為原本兩間都係BOOK DOUBLE BED, 點知一間係TWIN BED喎~
仲要安排到我地兩間房可以打通添~

房間幾大喎, 舒服!

我地先CHECK IN左一間先, 另一間未READY。

 呢個係我同朋友住既一間, TOILET都好大。你睇~!!! 打通兩間房架~

好啦, 安頓好後, 出發, 約左當地強哥見個面, 佢帶我地去唱錢啦~
酒店一出, 已係景點
胡志明市人民委員會大廳 , 好鍾意佢闊闊既一條行人路,
行到最盡頭就係西貢河嗰頭。
 周圍建築都好靚, 好法國。包括我地住既酒店(有皇冠頭, 夜晚有時會轉架喎)
強哥帶路, 去到呢間找換店, 唔睇清楚都唔知呢間係找換店。
原來細額美金換錢冇咁抵架
大家去越南時, 最好帶啲US$100, US$20嗰啲紙幣啦,
US$10 以下嗰啲RATE, 差啲架~
我地喺度唱個RATE:22280
好, 有盤川啦~ LET GO TO HAVE LUNCH!!!
 強哥送別我地後, 我地就返酒店CHECK IN埋另一間房。
 酒店既VERTICLE GARDEN餐廳
 攞埋間房, 同啲錢影吓相先, 話晒幾百萬上落, 有幾可???!?!
 好啦, 出發去醫肚啦。餐廳目的地係安貢館。於是靠GOOGLE MAP, 順利搵到間餐廳啦。
BTW, 大家去到越南都要小心財物, 我攞住部手機時, 更要小心啲啦, 以防有人搶走。

約10分鐘腳程, 到啦~!!!

呢間安貢館食地道風味越南菜,裝潢都好有特色。

好肚餓啦,快啲叫野食啦。

個個塊面紅卜卜, 都知天氣真係有幾熱...............
 叫呀叫呀........好多越南小食, 當然越南河就一定唔少得。
啲河粉真係..........同香港食係兩回事,呢度啲河粉真係好好味, 咬感好唔同。
 每個攤檔負責嗰味餸。所以WAITER都係將我地ORDER既野, 喺每個攤檔整好後上枱囉~
 好啦, 食左一粒鐘, 14:30, 係時候出發去「觀光」啦,又係8分鐘腳程度,
到左西貢王公聖母大教堂。
 有幾間香港旅行團都黎遊覽, 所以影黎影去都係影到周圍啲人。
BTW, 我地都冇理入唔入去睇啦, 實在太熱了。影完相就閃~
 第二個景點就喺隔離之嘛, 超方便。
胡志明市中心郵政總局
 裏面都裝潢都幾靚,OLD STYLE既野, 永遠都係吸引啲。
 當然指定動作, 買張明信片寄返香港先~ 好努力呀~ 各位團友。
 喺度都磨左一粒鐘, 4點鐘度, 真係要走啦。LET'S GO!

呢位團友, 出外旅遊都不忘公司吖~  好啦, 下一站要去COOKING CLASS俾DEPOSIT啦。

好熱呀, 去飲杯野啦~ 歇一歇。港紙十零蚊杯度啦.
行左廿分鐘度啦, 去到COOKING CLASS既地方, 有班上緊堂, 個STAFF話你地過幾日就會喺隔離新裝修既地方上堂, 大啲, 光猛啲架~ WOW SO LUCKY!
跟住沿路一路向西貢河嗰邊行, 叫做望一望啦, 始終都係冇行過去再出啲, 因為懶, 加上喺越南過馬路簡直係....要有攻略至過到馬路咁滯........
呢個BUILDING喺胡志明市好出眾, 因為行到邊都望到佢咁滯。
經過間賣扎肉既店, 諗住LAST DAY黎買手信。
又沿路行去檳城市場啦,基本上市場內啲店係6:00關門, 我地黎到都差不多6:00了. 不過都入去望吓啦。
BTW, 途中有位越南女子不斷跟住我地, 我地特登扮停低, 佢又停低, 又望住我地喎。後尾拿拿淋跟住啲鬼佬遊客一齊過馬路, 先冇再跟。
今天係等夜市, 但周圍都唔見喎, 咁究竟今晚係咪有架??? 網上話係 WEEKEND先有既?!?!?

周圍問吓人, 有啲又話有....19:30啦, 有啲人又話20:30開始.....咁即係點呢??

18:30 , 頂唔住, 去左PHO24醫肚先啦, YEAH! 又食生牛肉河, 正呀~!!!
又HEA左一個鐘度, FINISH!!!
嘩, 一離開間店, 好驚嘆條街變成咁既?!?!?!? 頭先仲係一條馬路咁...........宜家變晒好多大排檔
嘩..正呀~!!!
去食多餐啦~!!! 叫左啲海鮮~ 個蠔我都從來未試過咁既食法, 但好好味呀~!!!
個火燄椰子蝦, 真特別。
梗係唔少得, 要啤一啤佢啦。
越南既食肆SERVICE真係無得頂, 連剝蝦又唔使我地自己郁手, 有專人為我地服務, 抵讚。
 飲飽食醉後..................係時候要返酒店啦。雖然係一條直路返到酒店, 但....我地喺想搭的士之際, 司機拒載....
我諗係因為太近, 又咁啱條路係反方向啦。
於是就慢慢行返酒店, 沿路都好多特色CAFE , 餐廳, 商店, 一路行, 一路WINDOW SHOPPING。

好攰既一天, 今晚要早啲瞓啦, 因為明天要好早起身~~~~

WHY??? 留意下一篇報導啦~!!!

GO GO GO - DAY 2, CLICK HERE