2015.10.29(四)~DAY6~四個小心去旅行-胡志明市6天の旅

DAY6 - 2015.10.29 (四)  胡志明市(HCMC)->香港

早餐 : 自助早餐@Rex Hotel

午餐 : (1)UP CAFE
 午餐 : (2)NHU LAN - 法包

下午茶：咖啡時間

晚餐：飛機上

景點: 戰爭博物館

* * * * * * * * * * * * * * *
GOOD MORNING!!! 話咁快就到LAST DAY啦
今朝早已執好啲行李, 
冇乜行程, 所以9點度去食個早餐先。

呢間酒店都幾好住, 真係去邊都幾方便。

YEAH!! 輕輕鬆鬆食個正早餐。

差唔多到10:00啦,  CHECK OUT左先, 你睇我地呢幾日就係住相連房啦, 互通既~
同我地既房間講BYE BYE 啦。

嘩, 誇張到呢, LAST DAY都走去酒店大堂RECEPTION位換錢....
因為洗晒啲錢吖嘛~
我地寄存左行李後, 輕輕鬆鬆坐TAXI出發去戰爭博物館啦。 

車程好短(10分鐘度), 話咁快就到啦。第一站: 戰爭博物館, 黎越南一定要去一去睇。
入場費VND150,000/人, 約$55港紙度。

佢外面擺放左好多唔同既坦克車, 軍車, 直升機, 戰機等等。

CHOK 一 CHOK先

雖然我對越戰既歷史唔熟悉, 所以一路睇啲展覽, 一路唔係好知點解, 不過越睇越心噏~!
總之又係戰爭造成既破壞同禍害啦。

好多以前既痕跡.......斷頭台.....牢房.......等等。
展館12:00要關門啦, 下午13:30先會再開。於是我地都離開啦。

搭的士去食LUNCH, 先去一間叫UP CAFE既地方, 見網上好似講到幾得意。
約15分鐘度車程, 到左啦。

唔.............去到................唔係嗰回事................呢個係第二層,
但佢冇開喎, 我地咪走上去玩影相囉。

咁.....都事但食埋個LUNCH至走啦。

啲人喺張椅到瞓都得既?!?!?!仲要好攪笑, 埋單至話我地每人要最低消費.........

快快食完, 快快去再食過, 去食法包啦, 坐的士去返市中心嗰邊。

AROUND 30分鐘車程,到左NHU LAN啦, 呢度係賣札肉好出名既地方, 法包都係,
所以再黎一個LUNCH TIME

另叫左呢個紙米卷~ 同叫左呢杯LIME, 幾好味。
不過真係, 喺越南食野LOCAL野, 真係冇咩係唔好味既~。

食完野梗係去SHOPPING啦, 買啲札肉回港先~ 揀呀揀呀揀......仲買埋個榴槤雪糕TIM~

我地攪吓攪吓, 3點鐘啦, 行返去酒店附近間中原咖啡店(TRUNG NGUYEN) HEA吓先~
我地頭先喺戰爭博物館外既紀念品店買左啲人形書簽, 幾靚喎~
佢地又歎貓屎咖啡啦

我又飲啲啲先~

好啦, 你有你繼續歎咖啡, 我同TIFFANY最後去SUPER MARKET洗埋啲錢先~

16:30啦, 我地從REX HOTEL離開啦, 直接坐的士去機場。我地搭既機CX764 19:35飛。
嘩, 途中俾超多電單車重重包圍住, 真堅。

去到機場都17:30了, 慢慢行去CHECK IN啦, 小插曲黎啦

我冇PRIORITY PASS, 所以得我冇得入貴賓室, 咁......我唯有自己搵食...行吓....買吓野咁啦

好彩之前多買一個法包上機可以食,雖然冇新鮮出爐咁正,但都OK啦。

佢地攞左啲野俾我食呢~ 上到飛機脹卜卜呢~
再見啦, 胡志明市~!! 再見啦, 越南~!!

話咁快, 飛左2個半鐘多啲, 香港時間23:15到啦, 呢趟四個小心去旅行-胡志明市, 正式落幕啦。
好開心今次既一個新旅行組合, 新既地方, 新既COOKING CLASS體驗, 總之好玩啦~!!!!!!
期待再有機會, 再一齊去玩過~!!!! YEAH!!

想由DAY 1重溫, CLICK HERE
想睇返尋日做啲乜, CLICK HERE