大家去左深圳TEAMLAB未吖???
送上TEAMLAB既靚相先
2017年11月6日 星期一
2017年11月3日 星期五
2017.11.02(四)~探索深圳新地方-Teamlab行@歡樂海岸創展中心
2017.11.02(四)~探索深圳新地方-Teamlab行@歡樂海岸創展中心
* * * * * * * * * * * * * * *
午餐: 豆府花城
TEATIME: 喜茶@歡樂海岸店
晚餐: 渝海棠火鍋
* * * * * * * * * * * * * * *
今次北上既重大目的, 就係去睇
可以click 吓上面條LINK了解詳情。
今日三人行, 齊齊去福田口岸過關去。
11:30到達福田口岸, 平日冇乜人過關, 所以非常順利咁過左關啦。
12:00 已在福田地鐵站了~
去TEAMLAB超級方便。
福田口岸搭一個站去福民站(去清湖方向),
跟住要上返大堂, 跟水牌指示,搭7號線 (向西麗湖方向)
搭到去車公廟站轉9號線, 落車過對面月台就得架啦 (向紅樹灣南方向)
車費 : ¥4 / 人
12:30已到深圳灣公園站啦~!!! 沿住E出口, 上去右手邊就見呢架車卡啦~
行前就見到歡樂海岸既水牌啦~
呢個AREA地方就係超大.....
又有IMAX影院
呢舊野查實係咪表達緊水母呢???
嘩, 行吓見到好COLORFUL既花呢~ 好美。
喺呢度, 幾乎每間餐廳都好似獨霸一座樓咁。
美美的花呢~
呢間晚上有駐場歌手~
原本我地諗住喺香港食個豐富早餐, 去到就唔使食, 直接去展館, 但係.....
13:00了, 個肚話我聽, 都係食少少野先~
見呢間「豆府花城」有啲小食~
好, 就上去啦。
佢有露天位同室內位, 因為露天位有人食煙,
所以我地選擇坐喺近門位置, 開揚啲, 煙味又冇乜飄埋黎。
不過奇怪係.....人人叫野,佢地都會送餐, 我地不但冇,
仲要對完我張單, 收走埋。真奇怪。
最緊要我地要快食嘛~ HAHA
我地叫左一份卥肉飯 (¥17)
鹽酥雞 (¥18)
脆皮豆腐 (¥16)
時令蔬菜(¥9)
凍豆漿(¥11) SHARE飲~
快快開餐啦~
食完去埋個廁所, 商場咁啱喺呢間餐廳既左手邊落樓梯就係。
****提提大家, 呢度搵廁所, 確實唔容易, 只有商場裏面有, (MAYBE有啲餐廳裏面有啦)
展館裏面冇廁所架~!!!
所以中途要去廁所既話, 真係冇辦法~!!!
所以大家記住去展館前, 呢一站~廁所~, 記住一定要去啦~
嘩, 呢個Kitty Cafe好大喎~ 正正喺展館前面。
呢舊介乎有啲似科學園同東大門DDP咁既模樣, 就係今日我地既目的地啦~!
買票處喺個貨櫃箱度~
好LUCKY, 今日冇乜人排隊買飛, 於是又好順利完成。
入場費 ¥199 / 人
買飛方法唔詳談啦~ 總之唔收現金,碌卡便可,
(自己BEAR返手續費啦~!) 銀聯卡手續費最抵。
如有手機有綁定大陸手機號, 用微信錢包或支付寶, 都可以..
我前面都係幾個人排隊啫~ 不過太陽好晒~
YEAH, 攪掂, 行去前面少少入口處。
號稱全球十大必看展覽之一 , 風靡全球超個百萬人入場,
今次在深圳, 非常近, 唔使搭飛機, 梗係要黎一看啦~
LET'S MOVE!!!
又係唔使排隊, 入場啦~!!
WE START AT 13:45
一入去呢個主題景, 工作人員千叮萬囑, 背囊孭前面, 小心別撞到啲燈。
嘩...好紅吖~~~~~
呢隻色好靚吖~
啲燈會變色呢~ 真係當佢神燈咁捽~ HA!!
呢度好多鏡, 令人有錯覺, 總之就係靚啦~!
我又攝影師上身, 又烏低身, 又搵唔同角度, 為的都係希望能影到好多靚相。
HELLO, PHOEBE AND WAH, 我影到你地呢~!!!
大師級攝影師 是這樣的。 HAHA
我喺隔離偷影 ~
好迷幻, 好多燈.....人都多....不過我相信比起假日黎少好多。
好SOFT呢~~~
請問你想點呢?????
原來我地不知不覺, 頭1個館, 都留左 45分鐘!!!!!!!
好啦玩完啦, 去另一館玩
呢個主題好多互動項目, 好啱小朋友。
可任意放置你想放既地方
你會即刻見到個3D圖
呢條路, 行起上黎會有變化喎~
LET'S GO!
中間有個波波池, 可以去玩吓,一拍佢就會變色~
係咪好嚇人呢~ 會影到個人好黑。
跟住就去畫畫啦~ 用張票可自己揀一張畫紙, 去搵位坐低先~
好努力咁亂咁塗顏色。
大家都好努力
加油
畫完攞去SCAN, 跟住就會見到佢地喺幕牆出現架啦~
係咪即係SCAN都唔成功????
原來我地喺呢個館都逗留左1個鐘，於是都係唔等啦,閃~!
呢個館好正, 完全令人置身在360無死角既環境咁, 3分零鐘既時間,
雖然係有啲啲暈 , 但效果真係好好。
相機都追唔徹.....但出黎既效果好靚。
構成既PATTERN永遠唔會重覆。
影到啲好花既花花吖~
好啦, NEXT, 呢個長廊好多動物, 融入花花既PATTERN, 好似動物大巡遊咁
好啦, 去「追」動物先~!
PHOEBE愛太陽..........花...
好彩條走廊夠長, 易啲搵位影相, 不錯不錯。
見到隻老虎嗎???
結合花瓣既PATTERN, 真係好靚, 大家著淺色衫, 效果會再明顯啲呢~
我地喺度逗留左15分鐘度，又去另一展館啦。
呢個館有樣野好特別, 你地去到便FEEL到。
全都係花花PATTERN, 有盛開的, 會慢慢凋落的, 各種唔同形態...
好攪笑, 我突然有了「紅」唇。
抬頭一望, 個畫面好似變左星光圖咁~
我地又喺度渡過了20分鐘, 影完就繼續去下個一展館。
呢個主題叫「冰冷的生命」, 模擬「生」的筆畫, 字形如樹,
隨著時間的推移, 樹上呈現不同的生命形態。
見到開始有花LUM
但因為呢幅相, 成件事變得好詭異~~~
呢度有另一個互動地方, 可以畫海洋生物, 又係SCAN左後, 就會見到你既傑作啦。
轉個角又有另一樣野玩啦。
呢個究竟玩啲乜??去到咪知囉~
好啦, 去到呢個展館, CRYSTAL UNIVERSE, 真係好靚~
呢度唔俾人停留架, 可能今日人少, 我地借啲二, 快拍左幾張, 置身其中, 好夢幻。
AMAZING!
呢部機可以控制光的展示形態, 玩吓先~
呢個畫面, 好似電影公司嗰啲LOGO咁......
自拍吓啦~
全用LED燈, 用電腦控制, 展示啲咁AMAZING既作品, 真犀利。
嘩, 呢隻色好靚吖~
逗留左20分鐘, 又向另一展示區啦~ 水粒子的世界
借問聲, 呢位女士想點呢???
其實我並唔明解~~ 不覺佢FING完個頭髮後,
感覺到佢同呢個畫面既形態好襯~
我地都影吖啦~
原來我地不知不覺, 17:15了, 嘩, 行左3個半鐘頭, 比原定PLAN既時間
遲左好多啦。
睇完啦, 要走啦~ !!!
但我地仍然堅持要去飲.....喜茶......因為太掛住啦
一出展館, 右邊見到有電梯位置, 落去就見到HEYTEA架啦~
芝芝芒芒(¥30) 期間限定, 好好飲吖~ 芝士桂花烏龍(¥22)都好清香~!
好滿足吖~ 我都覺得自己勁, 一口氣飲晒咁滯~~~~ 事關我地仲要去下一場,就係食晚飯。
個天就黎落山啦~
好靚既黃昏呢~~
返番門口位置, 見到有的士,就二話不說, 問司機識唔識去,
佢都係用手機GPS, 佢話知道, 我地就上左的士了。
大約30個鐘車程度, 黎度呢度啦~!! 車費 ¥32
JACKLIN推介此火鍋, 渝海棠火鍋 , 唔使排隊喎~GOOD!!!
佢有兩層, 我地坐樓下嗰層窗口卡位。
好浮世繪FEEL
我地叫左個原味辣菌湯骨湯
出面可以自己攞調味料。
七天毛肚好好味
空運豬黃喉 , 又係好爽口~!!
東海蝦滑
招牌肥牛, 一叫無妨, 可以唔洗叫澳洲嗰隻肥牛~
蟹味菇
功夫萵笋
王中王豆皮
好好ENJOY呢餐先~!!!
食到好「慶」,, 啤啤佢先~
差不多食到 21:00啦~
今餐我地食左¥306, 微信關於佢地店, 即減8.8折, 即¥282埋單, 好抵。
搭車返福田啦~~~
喺餐廳一出, 右手邊行到盡頭. 左轉冇耐就見到桃園地鐵站架啦~
桃園1號線 (往羅湖方向) -> 會展中心站
跟住轉4號線 --> 福田口岸站
車費 (¥5/人)
今日一天非常充實, 十分推介大家都去TEAMLAB!!!
11月30日就完了~~~
把握最後一個月既機會啦~!!!
訂閱：
文章 (Atom)