2015.11.29(日)~DAY2~八和佛山2天美食の旅

2015.11.29(日)~DAY2~八和佛山2天美食の旅 

早餐 : 酒店內早餐BUFFET

午餐：黃媽媽私房菜

晚餐：福田口岸附近餐廳

景點:   逢簡水鄉

* * * * * * * * * * * * * * *

 今日朝早起身,8點30度去酒店樓下食早餐,係BUFFET黎既~

 早餐唔錯喎, 又係好多野食, 食飽飽先~

 我地食完早餐後, 喺房HEA左一陣, 11:00 CHECK OUT, 咁我地喺大堂等起程啦。

 出發啦~

 好啦,我地離開酒店啦, 出發去逢簡水鄉。

呢間餐廳個名真攪笑~真係費事諗乜先食佢~

 呢個水鄉有啲啲似周莊嗰啲...

 又去參觀寺廟

中午去到呢度-黃媽媽私房菜食LUNCH， 好多人, 枱枱爆滿咁滯。

 黃媽媽自家制既梅酒...好堅.... 每道餸菜都好味。

食飽飽, 去排隊買返隻雞同支梅酒回港先~。 呢個就係黃媽媽。

團友們買左啲果皮返去。跟住我地就跟旅遊巴回程啦,返深圳。

 17點零, 福田口岸解散, 於是我地去左按腳鬆一鬆。

跟住食餐勁既~!!!肥死.....二天遊話咁快就完結啦, 期待下一次既活動。

CLICK HERE 睇返 DAY 1 啲行程

2015.11.28(六)~DAY1~八和佛山2天美食の旅

2015.11.28(六)~DAY1~八和佛山2天美食の旅 

午餐 : 大良馬姐私房菜

下午茶：民信雙皮奶 + 牛什

晚餐：酒店環球海鮮自助晚餐

景點:   四大古鎮之一「佛山」

 大良步行街

葉問紀念館 

酒店: 準五星南海嘉思高酒店

* * * * * * * * * * * * * * *

今朝早晨早8:30去到福田口岸集合, 超多人, 今次我地跟就揀左印跡天下呢間。
勁塞車, 喺深圳灣等上車嗰幾個團友就等左成粒幾鐘, 10點零先離開深圳,向佛山進發。

到左午飯時間啦, 我地跟住行, 醫醫肚先。午餐喺大良馬姐度食。

最有印象個炸鮮奶, 超級超級好味道。其他既餸菜都唔差喎~

黎張大合照先~

食完個LUNCH, 飽晒。沿途真係好多大媽, 馬姐,鳳.....姐.......

下一站啦, 去到呢度.....

係大良步行街, 香港六六福珠寶?!?!?好攪鬼喎~

YEAH!!! 呢度最出名係雙皮奶, 一於嘆番碗蓮子百合雙皮奶.......嘩...超足料。

食到津津有味喎~ HAHA

再黎個細妹五香牛雜。跟住去買埋特產崩沙。

再下一站係.......葉問紀念館, 樓下一樓係展示區, 樓上係電影區。

呢度就係二樓。

葉問=詠春

用葉問故居同葉氏宗祠參照下的設計。

遊完, 去街邊檔買包栗子食先~ 幾好味喎~!

差不多5點零, 到左今晚住既酒店-嘉思高酒店, 個名好笑在..佢英文即係..Classical

上房啦, 嘩間房唔錯喎, 幾大幾舒服喎~

間房真係唔錯, 用TOILET時, 記住拉簾啦~!!

YEAH!!! 夜晚係酒店食BUFFET, 好似好多野食喎~ 食啦~

豐富既一餐~ 大家吹吹水, 正~!!!

再黎一個宵夜聚會................

繼續睇吓DAY2 既行程啦~