2016年12月29日 星期四

2016.11.14(一)~DAY4~日本四國8天楓‧瘋‧風の旅

2016.11.14(一)~DAY4~日本四國8天楓‧瘋‧風の旅

* * * * * * * * * * * * * * *

早餐: 和式半自助早餐@和の宿 ホテル祖谷温泉
宵夜: 魚生, 水果FROM 超級市場

* * * * * * * * * * * * * * *

景點: 大步危駅, 高知城, ひろめ市場, 帶屋町, 壹番街, 京町商店街

* * * * * * * * * * * * * * *
 
* * * * * * * * * * * * * * *
 今日好早起身 MORNING!!!
纜車7:00開

房裏面擺放左一系列溫泉水既護膚品試用, 啱就可以喺樓下商店買。

呢個LOOK...襯番間房~ HAHA

 4樓, 喺LOBBY隔離, 就係搭CABLE CAR既地方。
 原來好多人都好早起... HAHA
 YEAH! 浸溫泉去~!
 今朝睇得清楚啲啦~

條溪好清~ 對住呢度浸溫泉的確寫意

架纜車個外貌係咁的~

 可以喺度歇歇~

***網上參考圖***
今日浸既溫泉喺呢個, 早上浸一浸, 真係好舒服。我地大概浸左半個鐘。

 8:00, 去食早餐啦~~~
 酒店已為我地預備好了~
 503御席, THX!!
 酒店既早餐實在太太太豐富啦~

對住靚景食早餐, 賞心樂事!
 完滿既一餐~
 半自助形式, 食日式餐, 不能少既飯!!!
差唔多9點, 回房執拾細軟, 回味一下呢個靚景~ 要同你講BYE BYE 啦~!!
 電視收埋嗰個櫃度~!
 精神既~~~!!!
 9:50 酒店站準時出發
 十分推介既一間酒店
 遍山都係顏色
 上車啦~!!
 同車有啲老人家
 司機叔叔好盡責, 婆婆們上落都好照顧佢地~ 呢啲服務真係無得頂。
 好紅吖~
 喺懸崖邊起既BUILDING, 好壯觀吓~

好靚吖~ 成個山頭
 你睇啲山, 一個叠一個咁~
 司機叔叔係咁同我地講對唔住.....因為原本應10:30到大步危駅, 我地既火車係10:37
我都担心緊, 其實趕唔趕到~ 

不過好好彩, 10:32到了~最後都趕得上~ 
 大步危駅既必影標記~ HAHA
 呢個站好鄉村,好鍾意呢種簡樸~
好趕吖~ 仲要推住啲行李~ 索晒氣~
 到月台, 可以抖一抖, 我地今日會去搭火車去高知。

 OBOKE!!
 迷你既祖谷蔓橋

 睇返個APP, 應該一個鐘車程度~
 高知方向~
 黎啦~! 係麵包超人呢~!!
 好得意喎~
 裏面都有麵包超人既公仔, 呢程我地坐自由席, 安頓好啲行李後, 見位就坐啦~!
 沿途都係小鎮風光~ 好舒服。
 中途站~後免駅既公仔~ 好得意。
 JR四國既路線圖~ 今次旅程四個縣都踏足, 
呢程我地又由一個縣(德島縣)去另一個縣(高知縣)啦~!
 KAWAII NE~

到站啦, 影吓既車身先~

 南風號~!!

高知市既「拍拍」
11:40, 我地到達高知啦, 要出閘啦。
 高知係咪出名鯨魚吖?????
 好啦, 我地到左站後, 先處理一樣野先~
就係買左巴士飛先~ 佢喺火車站隔離。

因為明天要去道後溫泉, JR車程較遠, 於是我地選擇坐巴士
原本車費(3600円/人), 有JR PASS, 現只需(1000円/人)

我地揀左10:20嗰班車。喺大街道落車約12:46


陣間可以喺度買野食~
 呢個就係高知駅啦~~~ 我地既酒店超方便, 就係喺車站對面。
 行過去就係, 好近!

呢度有電鐵, 好似函館嗰啲咁。好復古。
高知出名係坂本龍馬, 所以有佢既像~ (中間嗰個就係)

因為未到CHECK IN TIME, 於是我地先寄存行李喺LOBBY先

今日行程大致係點1去到點5

出發去高知城,我地喺高知駅前搭電鐵。
 好鍾意復古既感覺~
 電鐵上既優先座~
 每個人都好安靜~
又到APPS出手, 真係超好用, 點搭車都好清晰知道~


喺はりまや橋落車, 以為喺呢度轉車, 仲喺度等.....
 呢度係4號, 但原來要過馬路, 轉去2號月台度搭。
 好, 預備過馬路啦~!
呢度啲路軌好得意, 有草地, 好似公園咁~
過馬路去轉角處, 喺2號站等車去高知城啦~!
唔知係咪呢架, 問吓個司機先~ 佢話係喎~ 上車啦
 
 12:40喺高知城前落車, 遠處見到啦~
 喺車站行過去約3分鐘度。

到啦, 行吓公園啦~!! 不過天色唔太好!

啲樹好綠吓~
 呢度發現啲出土文物。
 個天開始落雨了~~~~
 呢個就係高知城啦~
 不過我地冇諗住再上啦~一黎落雨,二黎不太熱衷於睇呢啲~
 於是原路落返黎, 向出口出發。
跨過呢個大門......就走啦~!
國寶高知城~

高知土佐尾長雞~非常罕有既品種~
由高知城行去弘人市場(ひろめ市場),約5分鐘腳程度~
呢度啲路好簡單, 唔係直就係橫~
到啦, 弘人市場(ひろめ市場), 原本諗住係晚餐食, 因為落雨我地調一調啦~
黎呢度食LUNCH LA~!!
裏面好似熟食中心咁~又有賣衫賣手信既地方
嘩, 呢個迎面而黎既爸爸好鬼型...好似阿部寬咁~

啲招牌好鬼吸引, 令你好想食~
食鯨魚呢~
鰹魚~~~ 正~!
好多店舖都賣坂本龍馬既精品
坂本龍馬好易認, 因為左邊面有粒墨~ 福出雅治有拍過《龍馬傳》就係講佢

好多在賣芋條, 冇得試食, 唔敢買, 驚太硬。

黎到高知, 買啲手信
有鰹魚制品, 同四万十川既產品
黎到呢度, 梗要食燒鰹魚, 明神丸係喺度最出名的, 所以最多人排隊。
佢對正個FOOD COURT位, 我地都喺附近搵位先~
留意, 佢有啲位係FOR非吸煙區坐的。如果唔食煙既朋友仔, 記住揀返啲非吸煙既枱。
再喺吉岡精肉店買炸雞。
叫左原味同黑椒味
喺明神丸排隊, 自助攞你想食既野, 我攞左份炸鯨魚試吓~
燒鰹魚係必食~!!!!!! 你可以叫單品, 亦可以叫定食, 我地先叫左個小(5切)既定食。

週一至週末 11:00-21:00
週日及假期 10:00-20:00
點解咁好味??
因為佢用稻草燒

魚肉都有稻草燻香, 令到鰹魚皮酥脆焦香,  
用鹽突顯佢自然甘甜既味,滿口稻草香。
鰹魚既樣是咁的~
YEAH!!! 有得食啦~!!!
筷子上有教點食燒鰹魚,將蔥蒜連葉一齊食~ 再點少少柚子醋食
開餐啦~!
大發~!!! 好味吖~
食完, 忍唔住, 我要再ENCORE吖~!!! 好好食~!!!
好啦, 食到14:30度,不經不覺食左45分鐘, 離開個市場, 去行街
呢度一出街市, 已係帶屋町二, 佢有好幾條街,呢一帶都係有蓋既商店街。

呢個AREA 有幾條街貫穿住, 我地都沿住大直路行~


落雨都唔使怕。
街上都有明神丸, 不過都係街市食得有風味~!
條街有CAFE, 有賣衫既, 有賣雜貨既, 有OLD SCHOOL啲既~
食肆既招牌仲吸引~
呢度係帶屋町

有個小巷仔, 上去睇吓先~

搵到MAY想買WACHI FIELD既精品店~
有龍貓呢~
又有啲精品店, 有化妝品啦~ 有零食啦, 有雜貨啦~ 好多野睇~ HAHA
雨一直落過唔停~
呢度有個ROBOT同你玩遊戲喎~
個招牌好得意吖~

呢度係壹番街
對面都係買手信既地方, 不過冇行過去, 早知去望一望啦~!
下次有機會再去啦唯有。
呢度係新京橋
隔離就係大丸
好可愛呢~KITTY喺はりまや橋上~
都係喺度避避雨先~
又係紅橋呢~
行到盡頭了~
行完後, 喺外圍行過去, 真係去堅既はりまや橋啦!
嘩, 淋濕左既麵包超人~ 有啲恐怖
はりまや橋上既景~
唔得啦, 我對鞋濕晒啦, 快啲返一返酒店先。
車站有商店, 睇吓買啲咩返酒店先~
呢度有個麵包超人既精品店
 17:30 我地決定先回酒店歇一歇, 因為落雨啦~
去攞房啦~ 間房唔係好大, 但叫企理
廁所都係例牌組裝廁所
有個小小寫字枱
走廊位
頭先買左高知名物-帽子蛋糕, 剩係呢度先有。
哈~ 超似頂帽。
頭先買左包鰹魚薯片同野飲
買左絲襪~
不過包薯片超鹹~ 佢其實唔係薯片, 俾佢個樣呃左, 似雞塊片嗰類。
你究竟幾時落完雨吖~

喺房度歇多一陣, 19:30先再去食野啦咁
今晚我地去屋台食, 安兵衞屋台餃子
經過高知橋。 但雨依然一直下。
係咁落雨, 唔知屋台有冇開?!?!?!
全能既GOOGLE MAP, 我都係用你搵路, 十分方便。有開到吖~!! YEAH!!
佢開到凌晨時分, 聽講係越夜越多人
到啦~
因為我地去時都係差唔多20:00度, 所以未係有咁多人。佢既MENU好簡單, 得幾款, 
必食既屋台餃子(1碟7件) 500円
拉麵2碗  600円 X 2
關東煮雜錦500円
呢個關東煮有蛋, 筍, 蒟蒻, 魚餅, 大根, 腸
我地叫左兩份餃子 500円  X 2
好好味吖~!
簡單清湯拉麵,仲以為自己會食唔晒TIM~~
呢個鐘數, 佢地未係最忙既時候, 所以仲有空SERVE我地。
嘩...冇諗過可以清晒~我啲食量又大左啦~!
我地怱怱食左半個鐘度, 係時候離開啦, 但......雨一直下~!!!!!!
最最最弊既係..........................我對鞋.................................

唔知係咪NIKE啲超輕跑鞋, 鞋底都有氣孔~
總之......我鞋底入晒水啦~~~!!!!!!!!!

濕住對腳去行街, 再一次行返商店街, 行吓藥房, 見到啲新奇野~!
飲左係咪會好有「力水」架?
呢一晚, 香港既朋友個個都POST超大月亮, 可惜呢度今晚,
月亮都見唔到~!!!!!!!
行到無野好行, 死到要買啲野回去, 好彩有間超市未關門, 趕到入去買宵夜食~
等車吖, 呢架車好PINK吖~

記住吖,雖然係同一站名, 但唔同月台呢~!!! 我地今日轉車都係喺度2轉4, 4轉2 咁....
22:00啦, 回酒店, 買野飲先~
喺街邊攤檔買左啲柑~
喺超市買左呢度出名既文旦.....係咩黎, 原來係好似沙田柚既物體~
有啲苦.........
當然又忍唔住, 必買既薯片..................
正吖~ 喺臨關門既超市都買到半價既中TORO! 好味呢~
宵夜甜品~ 啫喱杯~!!! 好飽好飽呢~!
唔知仲瞓唔瞓到~~~~~~!!! 明天見~!!

想重溫DAY3, CLICK HERE
GO DAY5, CLICK HERE