2016.11.12(六)~DAY2~日本四國8天楓‧瘋‧風の旅

2016.11.12(六)~DAY2~日本四國8天楓‧瘋‧風の旅

* * * * * * * * * * * * * * *

早餐: 尋晚買定既飯糰+Mister Donut

午餐:レストラン「楓」@寒霞溪

小食: 醬油雪糕, 橄欖雪糕

晚餐: 凱風快晴(食串燒)

* * * * * * * * * * * * * * *


景點: 小豆島, 寒霞溪, ヤマロク醤油, 橄欖公園, 高松市(瓦町附近商圈)

* * * * * * * * * * * * * * *

住: ホテルエリアワン高松（HOTEL AREAONE)

 
* * * * * * * * * * * * * * *

今日晨早起床, 梳洗完畢後, 食個簡單早餐先!

 食完早餐, 出發! 去邊???

 去買DONUT食吖~!!!

佢啲DONUT賣平左喎~!!

買完就行去碼頭啦, 今日我地去小豆島吖, 我地揀喺土庄港落船, 幅圖好清楚,
我地會喺1 OR 2碼頭上船。

嘩,勁啦, 今日既Schedule非常tight!!! 做少啲功課都唔掂。

 我地會由高松碼頭開始, 搭去土庄港, 然後搭巴士去草壁港轉車,
去寒霞溪, 然後去醬油廠, 再去橄欖公園, 然後回草壁港搭快船回去高松。

 
搭9:10分快船去土庄港。每人1170円(約90港幣)

 船程大約35分鐘度, 風和日麗, 正, 去戶外活動既好時機。

 上船啦~!!

 呢係大船, 船程約1個鐘, 費用690円, 礙於我地時間較緊, 所以都係選擇高速船。

 呢隻係乜東東吖??? 佢係咪一粒橄欖黎架???

 好啦, 開餐啦, 食第二輪早餐, 好好味既DONUT

呢期同SNOOPY CROSSOVER!

 船上冇乜人, 我諗得十零個。

 開船啦~!!!

 我地坐第一行, 前面門口位。

 天好藍, 正~!! 心情特別爽

 小豆島出產醬油~所以成日都見到醬油廠。

 不經不覺, 好鬼快就到了, 9:45準時到達土庄港。

個天真係....真係好藍~! 我地坐既呢架船吖~!!

 一落地, 第一件事係睇地圖, 搵吓邊度搭巴士 

 小豆島其實好多景點, 但係時間緊迫, 只能去到某幾個。

 好啦, 我地去買巴士一日劵, 盛惠每人1000円(約港幣75), 可以任搭島上巴士一天。

 碼頭一出就係買Souvenir既地方。

等我地行去搭巴士既方向先~

 

 好得意呢~小豆島吉祥物?

 好靚, 呢個橄欖葉造型, 砌成既標誌

 幅石頭畫好COLOURFUL吖~

 仲有另一舊喎~

 穿過呢個停車場, 遠處見到個巴士站啦~

等巴士既地方,

巴士資料, 詳細可CLICK HERE

我地等5號線, (西廻り)西浦線, 10:10分開車

駛離土庄港啦~ (這是落船的地方)買巴士一日劵既, 都係喺呢度。

巴士上的位好鬼窄, 加上大家著晒褸, 個位真係僅僅塞到個人坐落去

落車請禁掣

差不多30分鐘車程, 黎到草壁港, 要轉車啦~!!

個巴士站喺度

攪乜...??? 因為.......

好長龍, 等巴士, 大家都等呢一班車, 前後都係講廣東話既人。

巴士到站啦~ 但這架....我地上唔到啦~!! 滿座

草壁港去紅雲亭班次較疏,
http://www.shodoshima-olive-bus.com/course.html

 
所以佢地臨時開多班, 好彩~!!

11:00 開車。

沿路開始有啲紅色既葉啦~!!

15分鐘車程(11:16), 去到紅雲亭落車

跟住就去搭纜車啦, 跟住時間表上去啦。
應該搭到11:24嗰班。

上到去仲要排隊買票, 我預先喺WEBSITE DOWNLOAD左九折COUPON, YEAH!



原價來回1350円/人, NOW 1215円/人

等纜車到站啦~!

個山頭好多色吖~!!!

我地坐PINK PINK車卡

好有秩序咁落車, 就到我地上車啦

雖然冇乜紅葉, 但都幾靚吖, 幾隻色咁~

咁大個女第一次親眼望, 真係幾靚架~

5分鐘既過程, 到站啦~!!!

一出站, 係商店同攤檔, 食食食, 試試試...

陣間轉頭先行。

小豆島出名橄欖既製品, 到處都係橄欖既蹤影

黎到寒霞溪, 佢有兩條步道可以行, 藍色同紅色, 睇你想睇咩景。

我地既選擇係....冇行, ONLY行到好近既鷹取展望台 啫~

各位呢度就係睇紅葉既景點 - 寒霞溪啦~!!

11:45 ~ 我地開始, 左走走,右走走啦, 我地會喺度食埋LUNCH, 預計14:00要搭返巴士去第二度。

嘩, 呢棵...超紅吖....但好假呢~

今日個天超藍, 冇白雲喎~!

嘩, 好靚吖個畫面, 我承認我超鍾意睇靚野。

行吓行吓, 俾我發現呢條好靚既路。

影相一流。

IPHONE都影得唔差。

好啦, 俾你地睇吖製成品啦~! 係咪成個畫面好有FEEL呢~!!

呢棵樹顏色真係幾靚, 橙橙地~ 不過我唔知佢係咩樹。

研究中.........

無聊喺地下都拾個松果黎影相。

你睇啲伯伯幾舒服。

喺度HEA吓都唔錯, 有咁好既陽光, 咁舒服既環境, 正~!!!

又一個牌匾, 提醒你係去左「寒霞溪」~ HAHA

喺度望返落去小豆島既景, 唔錯。

有大地在我腳下既感覺。

好舒服吖~!! 好想大嗌一下~!!!

好多人都影影影

呢棵樹好靚吖, 又紅又橙又黃, 好似漸變色咁

嘩, 影吓影吓相, 12:15啦, 會唔會唔夠時間行同食架?????
好啦, 快快去呢個鷹取展望台睇吓先
聽聞呢度係電影<第8日的蟬>既外景拍攝地方

沿途既畫面又不一樣,好童話

啲楓葉好靚

粉色既楓葉, 好夢幻吖~

好似星星吖~ 好靚

鷹取展望台, 鳥瞰小豆島

另一邊整個山頭都係唔同既顏色~ 好得意, 好似好多舊海綿咁。

一有松樹, 就變得好日系啦~

好靚吖, 粉色, 淡淡的, 原來我更鍾意~!!

你睇, 係咪十分夢幻呢~?

我又隨手執起啲葉啦~!!!

巧"KAI"心吖~~~

再坐一會.....又來再坐一會......

舒服~~~!

紅到有啲假既葉.....HAHA

好啦, 係時候食LUNCH啦, 我地喺返商店上一層的餐廳
レストラン「楓」, 食碗小豆島非常出名既素麵先~

呢度有得食團體餐, 即係啲團黎度, 都係喺度食~

YEAH! 有嘢食啦~ 我地每人叫左一碗素麵同炸雞塊

好, 食完埋單啦~ 今餐1250円

嘩, 食吓食吓, 都13:30啦, 快啲買手信先~ 冇時間啦, 我地要搭14:00巴士走。

素麵....買~!!!

大獲..........冇預計搭纜車都排長龍,
差唔到13:50先上纜車,會唔會MISS左班巴士呢??

BYE BYE啦, 寒霞溪

HAHA, 纜車既影~

好, 落車啦, 落車啦, 快~!!!

OMG, 個鐘剛剛好14:00了, 但我地仲要行段樓梯至落到去。
殘念.....

落到去, 巴士已走, 下一班係15:45, 冇可能等, 點算呢????

喺我地絕望既同時,
於是我地去問喺停車場既叔叔, 佢問我地要去邊?
我指俾佢睇個醬油廠既名, 電話....

佢就幫我CALL的士, 話埋俾我聽車費大約2500円, 是但啦, 無計,
車約14:30到, 好多謝咁多人幫忙， 喺我地絕望時又重現希望。

幾大就幾大啦, 豪俾佢啦。

大約15分鐘既車程, 2670円, 尚算OK! 如果唔係都幾肉赤~

終於到啦~!!! 唔該司機!
呢間新聞有介紹過~
好有HEART既一間醬油廠, 至今有百年歷史, 仍堅持只用杉木桶釀造醬油。  

真係好有HEART!! 所以都要黎試一試佢既醬油~!

呢度有得俾你坐, 叫野食, 慢慢歎。事關我地太趕, 唔能夠停留好耐。

佢有啲雪糕同布甸, 好特別, 要用醬油淋落去,
可惜今次冇得坐低慢慢品嘗~ 唯有下次有機會啦~

好多簽名吖, 好多人黎採訪過。

 呢度有得試味, 五款醬油, 有啲好濃味, 有啲冇咁濃

最後, 我買左呢隻冇咁濃既醬油~

買左呢隻醬油雪糕食。

醬油味唔係好濃喎...定係....其實佢係要撈鼓油食？

差唔多3點啦, 我地要走返出去巴士站, 等巴士, 預定15:23到安田站。

一路行, 一路就諗, 會唔會係咁行架?!?!?! 方向係咪啱架?!?!?

呢一刻, 我安慰我團友, 放心, 我睇地圖好叻, 你要相信我
(查實係...你冇得唔信我了~)

好似喺日本住咁, 行啲路, 好似返屋企啲路咁。

好貼地既住宅~

到處都會見到醬油廠~

行吓行, 當散步囉~

行左15分鐘度, 到啦, 見到個巴士站。
THX GOOGLE MAP!

距離巴士到既時間, 仲有10MINS, 於是坐低休息吓先~
呢次搭20號南廻り福田線(土庄港行)
TIMETABLE

休息=食?!?!?!

喺寒霞溪買既栗子, 喺度食~

巴士準時到達, 下一站就係橄欖公園啦~
 我地喺 オリーブ公園口 落車
到達時間約15:37

我地可留在這裏到17:00, 時間應該都充裕。
落車後行返上去

呢度有得做麵呢~

第一站, 行去個風車度影相先~

嘩, 好似去左第二度咁~

難得避開人頭, 影到好似冇人咁

呢度係一個超經典同指定動作要做既~
扮魔女宅急便~

我地為左唔想行多轉, 所以見到有對日本朋友, 佢地影完, 問可唔可以借俾我地影相~
yeah! 仲幫我地楂埋機, 唔該晒~!!

係咪好攪笑呢~, 影完還返把掃把俾佢地啦~!

成個地方都係橄欖樹, 啲葉好厚, 但我見唔到啲心型葉既???

好啦, 我地又轉場啦, 個橄欖公園好大, 於是周圍行吖啦~

呢個係唔好既示範, 小朋友有樣學樣, 阻住我影相...... haha

我估呢個係日規之類既野~

又係興奮狀態~~~ "嘩...好紅吖~!!!!"

成個山頭都係~ 揀吓去邊度好~

行吓個橄欖紀念館先~

呢度有得自製書簽, 用橄欖葉留個紀念(120円)

整完過埋膠, 攪掂!

好多「魔女」相吖~

借掃把既地方。

又食啦, 又食啦, 橄欖味雪糕。

又唔係好重橄欖味喎~都係滑既~

跟住又行去呢度, 賣盆栽的。

有教整嗎??

種士多啤梨~

魔女宅急便真人版電影中, 魔女KIKI工作既麵包店

好多襟章呢~

好多天然既產品。

喺店前留影先~

我地行返去道之駅附近啦, 太陽就落山了, 個天有啲微紅呢~

另一邊係個廣場, 好羅馬風

地下有個指示方向盤

好寧靜既感覺~

我地搭17:02既巴士返去草壁港

加快船17:45開, 所以喺度等開COUNTER賣飛。又見到橄欖仔~!

1170円/人, 回高松港既快船

天黑了~ 回家了~ 但.....未知食乜好, 碼頭附近尋晚都冇乜野食選擇。
陣間SERACH吓有咩食~

好啦, 上船啦~!

船程45分鐘度, 返到去應該18:30度。

架船好得意, 有個AREA係梳化位, 好似KARAOKE房咁

喺橄欖公園買左筒糖食, I KNOW我是糖怪。

話咁快, 到高松啦, 回酒店先, 放低啲戰利品先~

跟手決定去市中心搵食, 搭巴士啦~ 應該好易搭既~

到左瓦町站, 於是行去餐廳啦~

小巷裏好多餐廳, 個招牌都好吸睛。

呢間又好得意喎~!

途經商店街

行左15分鐘度, 到左呢間餐廳啦, 叫凱風快晴。

黎到要等一下, 未有位。

HAHA, 全日文, 侍應俾左張全英文既我地....

HAHA, 旅程既樂趣就係叫左都唔知自己叫咩~~

呢間餐廳啲氣氛好高漲, 因為啲侍應會常常歡呼咁....幾得意

食串燒, 梗要啤啤佢~

好多本地人幫襯~ 呢邊係坐地台位, 我地就坐吧台位

食左好多串燒, 又叫左茶漬飯~

有冇人知...呢個字點讀.....三個七加個六

盛惠3200円~好滿足

食完晚餐, 嘩,,,咩事排長龍~ 呢間餐廳我地尾二嗰晚會黎食~

經過丸龜町~

南新町, 啲舖差不多關門

唯一呢間近JR站開到10點。突然鼻敏感呢~

所以去買樽敏感藥止一止, BTW, 藥房通常喺收工既早45分鐘就停止處理退稅

呢間收22:00, 21:15後已不辦理TAX FREE, 要注意喔~!


係咁打乞痴,飲返罐熱野, 紅豆湯, 好啲啲

是高松市吉祥物嗎??

有車啦~!! GO GO GO

今日星期六, 出奇地好少人, 可能四國呢個地方都係冇咁城市化。

金都比羅宮既車身呢~ 好金吖~

好啦, 回到酒店, 今晚好忙....因為要PACK喼啦, 明天要搬酒店了~
今日喺小豆島買既野~

整多支梅汁先~ GOOD NIGHT LA!!!!

想睇返DAY1 行程, CLICK HERE

想繼續DAY3, CLICK HERE