2012年06月-全家總動員北海道7天賞花の旅- DAY7

DAY7 - 2012.06.30 (六)  小樽 -> 新千歲機場

景點: 三角市場, 長崎屋SHOPPING

早餐: SONIA II酒店內

午餐: 政壽司@壽司通

晚餐: 飛機上

* * * * * * * * * * *
今日8:00落黎食早餐，日本D珍珠米真係食極都唔厭~, 食完後再返房執埋D

預備CHECKOUT走人了.....9:30 出車

喺小樽周圍兜吓，去下三角市場影吓相先~

好攪笑....點解車...可以楂去行人道既?!?!?

最後SHOPPING LA.........買野食居多...

11:36去到尋日去唔到既政壽司食...要等呢.......好彩我地預鬆左時間......

叫左份二九四零円既SET.....有十件......其中一件係價值126蚊港紙既"特上大TORO"..正到痺。

YUMMI~

好得意既車......

食完呢一頓飯後，就出發去新千歲機場，要返香港啦.....

14:15度, 到達還車點了.........

等車車返我地去機場大樓

14:45到飛機場了~

有個叮噹樂園...要俾入場費

搭16:40班機, CX581返HK了......... 20:30度到HK了

是次少少收穫..都係食食食多.....

唔知下一次既旅程會係幾時呢?!?! 我好渴望呢~~

2012年06月-全家總動員北海道7天賞花の旅- DAY6

DAY6 - 2012.06.29 (五)  函館 -> 小樽

景點: 壽司通, 小樽音樂盒專賣廳, 小樽街頭, 小樽運河

早餐: 函館SUPER HOTEL酒店內

午餐: 北の漁場@小樽

晚餐: 運河倉庫@小樽運河旁

住: SONIA II

* * * * * * * * * * *
7:30落樓食早餐，8:30出車啦, 因為今日係走最遠程既一日，由函館去小樽...之前估計約5個小時呢~

途經一個休息站, 呢個真係要影一影, 因為我之前去日本都冇見過......呢次第一次見...一舊野攪掂晒
左起: 洗手液 -> 洗手位 -> 吹風位....勁呀


HAHA....蒲公英都影.....因為少見圓圓的...

嘩哈哈~ U SEE...連日黎架車不斷俾空降雀糞啦...行車時D昆蟲撲埋黎啦... 車頭變到好似水彩畫咁....

11:45 黎到有珠山休息站， 食件鹿肉餅先~ , 呢度視野好開揚呀~

休息完一陣又起行了。

14:00度. 終於去到小樽了...真係足足5個幾鐘頭車~ 一落腳先去政壽司醫肚先...
.點知宜家2點半....太遲了, 佢3點鐘小休, 於是唯有改為明天中午食

14:50度, 去到小樽最熱鬧既地方.....音樂盒嗰條街.......... 有北一硝子好多館.....

嗰頭D建築好靚, 有DD歐陸FEEL~

行吓行吓..想去搵左野食先~

街尾先見到一間食麵的....HAH...拉麵AGAIN..呢次我叫左醬油拉麵, 不過唔好食喎.....

食完行北一硝子館.....先見到原來呢度有個食堂...食既野仲平仲有特色....

HA..我唔執輸, 食返個500円六層雪糕......嘩...佢好快融呢~~~~
我已狂大啖大啖食...簡直同時間鬥快咁....最後都解決了~ 滴到成手都係.....

好~ 參觀音樂盒專賣廳啦~

嘩..好多好多音樂盒呀~  我鍾意既旋轉木馬呢~

好色彩繽紛呢~好似去左童話世界咁....

5點鐘了, 離開呢度, 再順便入埋最後一次油...呢次係試吓自助入油先~ 我又貪得意影吓相先~

入完油, 去酒店CHECK IN 啦.......今晚酒店SONIA II, 喺運河旁咋..過去影相好方便呢~

好英式既設計.....幾得意..

休息一下後, 差不多6點就去運河行吓, 影吓相

呢度我冬天未黎過, 所以感受唔到小樽運河嗰種浪漫氣氛~ 假若將來有機會再過黎感受一下啦~

幾舒服, 幾悠閒~

行到去今晚我地DINNER既地方...運河倉庫...炭燒餐呢~

呢個炭爐果真夠熱...有DD焗桑拿FEEL..不過食食吓都OK既....
每人有一條"口水肩"提供...驚D油/汁彈到個身~ 真諗得週到...D肉幾好味~!

食完飯啦....都19:45啦. 返番去酒店了.........

歇左一個鐘頭後, 後生既就再出去行吓..睇吓有咩野食.........入左出拔小路睇...好鬼得意呢..
嗰個蜜瓜雪糕小樽店, 原來就係喺呢度~!!

9點鐘, 晏晝行過既整條街, 幾乎一個人都冇....真係有D似關左門既迪士尼美國大街咁.......

見冇野食, 於是又行返酒店了......喺大堂上吓網先~ HAHA 原來間房都偷到DD WIFI 訊號用~

好, 是日23:30瞓啦....早抖各位~!!!

2012年06月-全家總動員北海道7天賞花の旅- DAY5

DAY5 - 2012.06.28 (四)  洞爺湖 -> 函館

景點: 函館朝市, 途經五棱郭, 紅色倉庫, 函館斜路, 函館山夜景, 大門橫丁

早餐: 洞爺湖湖畔亭酒店內

午餐: 函館朝市

晚餐: 龍鳯@函館大門橫丁

住: 函館SUPER HOTEL

* * * * * * * * * * *

GOOD MORNING~!! 今朝早7點30度喺酒店餐廳度食吓早餐啦~都係自助餐形式。

8:45度出車離開啦~ 往函館進發~ 因為車程都有D耐, 預計喺嗰度食個LUNCH

中途途經休息站, 忍唔住買左包士多啤梨食~ 嘩..好好味..好甜~!!!

經過差不多3個鐘既車程(11:45), 終於到左函館朝市啦~~~ 我地要食函館出名既烏賊~!!!!

係咁二行一轉先~ 睇吓有咩好野食..... 新鮮海胆...1000円~ YUMMI~!
不過函館朝市俾我感覺麻麻, 好商業化,
 D檔口人都袋幾句英文/國語同你SAY HI~
有間檔直情見你影相, 仲話NO PHOTO TIM...印象差晒~!!!!

13:00度食晏囉...去左惠比壽屋食堂, 之前喺HK PRINT定COUPON,送帶子刺身, 正~!

個烏賊刺身成碟上枱, 對眼都擺埋上去~ 個WAITER 示範將豉油滴落烏賊度, D鬚即刻郁郁共...

有冇人答到我烏賊右手邊,圓形一粒粒嗰D 係佢既咩部位呢?!?!?!

食完就去逛吓100円店，然後途經呢個五棱郭, 因為都冇乜特別, 所以喺車度影一影個塔算啦...

你睇...個GPS....五棱郭個AREA 真係星星形架~!!

然後我地去紅色倉庫影吓相

在去睇吓..函館出名既幾條斜路啦~

17:30 返酒店CHECKIN先~ 休息一下~

18:20度, 楂車去函館山纜車站啦.........HAH 你睇..我楂車時, 乘客神色幾凝重~ HA

搭18:50既纜車上去啦~

上去時唔係太多人

上到去剛好日落啦~

慢慢開始多人了, KIT 搵個有利位置影相, 我就同SISTER 再上高少少望, 兩老就喺附近坐低休息...

嘩越黎越多人, 恐怖到呢~ 我地都唔敢郁, 因為會冇左個位企

由19:00 ~ 20:00 喺函館山上影出黎既景, 由上至下, 由左至右...........

函館既夜景, 有佢吸引之處既.....不過我就"睇過就算啦~"

嘩..落返山都要大排長龍呢~ 排到上2樓, 20:50先成功落到山咋。於是要醫肚啦...都餓了~

喺搵唔到泊車位置之際, 誤打誤撞去到呢間"龍鳯"...食鹽味拉麵, 嘩..有驚喜喎...好好味~!!!

原來呢度係大門橫丁~

好多屋台既食肆組成, 好有特色

呢次撞唔啱時間, SUPER HOTEL 既浴場係FOR 男生用, 所以冇緣浸多一日溫泉啦....

TODAY IS FATHER'S BIRTHDAY~ SISTER買左個小蛋糕仔...係咁二簡單慶祝一下啦~!!

HAPPY BIRTHDAY, FATHER~!!!