2012年06月-全家總動員北海道7天賞花の旅- DAY4

DAY4 - 2012.06.27 (三)  富良野 -> 登別, 洞爺湖

景點: 金山湖, 途經夕張, 登別熊牧場, 登別溫泉街, 地獄谷, 洞爺湖睇煙花

早餐: 金山湖ログホテルラーチ小木屋內(自煮)

午餐: 飯糰

晚餐: 洞爺湖湖畔亭酒店內自助餐

住: 洞爺湖湖畔亭

* * * * * * * * * * *
尋晚瞓得好好, 朝早一起身, 已見到太陽晒喺露台, 好正呀!

急不及待地走出露台一望, 個景真係..正到呢..

朝早歎埋個早餐~ 食左個午奶布甸, 好好味~!!

要離開呢間小木屋...真係唔捨得..

呢間小木屋我強烈推介呀....如果4-6個人度, , 住呢度, 真係FIT到爆.....

從外圍睇, 我地住既小木屋外貌, 好鬼有外國FEEL

 

落返本館CHECK OUT, 再遊下個金山湖

 

周圍都係綠色植物, 好舒服~

 

差不多10點啦, 要離開呢個AREA, 離開富良野, 向登別方向出發啦~

大概11點半度, 誤打誤撞地...原來到左夕張.... 當然少不了買個正宗地道夕張出產既蜜瓜啦...
我地買左個原本3000円既蜜瓜, 佢計我地2500円, 成交~!
呢個蜜瓜熊 應該係呢度先至有
我地買左三個冬甩食, (雞蛋味, 蜜瓜味, 同石炭味). YUMMI

 

差不多1點, 又去到個道之駅, 又買飯糰當午餐先~ 好悠閒咁坐喺樹下....食住個飯糰, 平時真係冇乜機會咁做

1 點半度, 終於見到隻魔鬼怪獸, 即係終於到左登別啦~ ! 黎到登別, 首先去拜訪吓個登別熊牧場先~

去牧場一定要喺度搭纜車

之前爸爸喺香港唔知邊間旅行社攞左本北海道既小雜誌, 裡面有COUPON, 入場劵有DISCOUNT呢~

2520円 -> 2200円

大約9分鐘度, 上到黎個山上啦, 去睇熊囉~

呢個AREA係"公熊", 佢地個個都懶D....

呢度有個好近既餵食區, 大家只隔塊玻璃, 有個鐵TONE 可放D飼料入去, 然後推出去, 佢就食到架啦...
不過小心, 隻熊會喺嗰度噴氣.(連埋D 污糟飼料碎)..唔好彩企度好近既話, 會俾佢...噴到....

再跟住行吓, 呢個好似係蝦夷狐狸....

上去個展覽館上面睇吓, 原來又係風景區

再一層一層慢慢落去睇.....

15:30 SHOW TIME, 睇左個熊SHOW....OK LA..不大驚喜....因為狂講日文, 唔識聽~

跟住走囉....返落去囉...再沿登別溫泉街....去到地獄谷...叫做到此一遊啦,
因為我當時好肚餓...所以快D行完快D走啦, 去邊??? 去酒店, 然後食BUFFET LA...

呢度就係今晚下榻既酒店-洞爺湖湖畔庭~

18:10 落樓下餐廳食BUFFET啦....BUFFET 驚喜不大, 不過OK LA...

食完野, 去酒店出面行吓, 個天幾靚~

舒舒服服行海邊~

夜晚8:45 有煙花睇呀....落樓睇先~

睇完後, 再去大浴場沖涼, 再浸返個對住個湖同望住個天既溫泉....

是日間房冇WIFI, 所以浸完落左大堂上左一陣網, 就回房歎....
夕張蜜瓜啦~ 嘩....超多汁........超甜...............