DAY6 - 2014.03.12(三) Seoul
行程: 明洞血拼, LOTTE MART
早餐: @Suitcasers
午餐:@URBAN CHIC
晚餐:@炒雞排
宵夜:飲品
住:Seoul Tower Hostel
* * * * * * * * * * *
今日係LAST DAY STAY 喺Suitcasers 啦, 還埋個蛋仔俾佢地。
臨行前同個老闆NK影返張相先~
BTW, Suitcasers兩個老闆都鬼死咁高大~ 同埋超級NICE.
原本諗住睇吓可唔可以CALL TAXI, 卒之都冇, 諗住出路口應該可以截到, 但我地要喺對面線先啱方向, BUT....冇馬路, 一定要行樓梯同隧道~ 無計啦...見到對面有的士都搭不得~
於是死死地....行過去吧~
點知......我地蠢左, 行左條辛苦路......
全斜路, 真係嘔電......超辛苦~!!!
足足行左半個鐘先到Seoul Tower Hostel。
其實如果喺明洞地鐵出口過去5分鐘,條路好行好多。
UNLUCKY既事, 一不離二
當到左checkin 時,可以攞房啦, staff話我地住五樓, BUT 部lift係去到4樓啫, 要行一層樓梯
又咁啱佢地啲男staff not on duty.......OMG, 即係要自已搬喼.........唉~!!!
間房OK LA, NOT SO BAD!
不過真係乜用品都冇, 得中SIZE毛巾, 同水ONLY. 地板冇暖氣, 所以有啲凍。
轉頭落去明洞先買啲洗頭水同護髮素呢兩日用
辛苦過後, 歇一歇, 好似有啲凍, 於是12點零出去食野啦,
冇蛋蛋既日子有啲啲唔慣~ 唉...城市人!
Hostel地下有個飯堂, 好大, 有跑步機, 有韓服試穿, 有電視睇, 有電腦用, 有簡單早餐食~
喺hostel裏面係著佢地啲拖鞋, 所以一入去,
就要除左自己對鞋, 放入樓下LOCKER, 換上佢地既拖鞋,
佢地有間MART喺度, 買野有少少discount.
呢度好多靚靚壁畫~去明洞沿途經過Pacific Hotel
5分鐘路程度~
先行去視察吓機場巴士既位置, 走得大概知到喺邊搭, 約喺10號出口附近, 6001同6015都得
6001就平啲, 10000W
6015就貴啲, 15000W
行吓行吓,唔知食乜, 於是食吓PASTA啦, 冇乜人喎....HEA住食
見冇乜人,就周圍影影影, 佢啲擺設幾得意
簡約得黎又舒服~
上菜啦, 杯水好特別喎...加咖啡豆喺裏面, 有淡淡咖啡味滲出
食完後大約1點半啦,真係去SHOPPING啦, 攞返張BUYING LIST先~
天氣預測真準..話今日會落雨...BUT 我冇帶遮出黎啦
激死啦~!!!!!! unlucky thing ...真係.二不離三
竟然....落雨呀~!!!!! 仲要喺我買到一抽二LUN時, 竟然落雨呀~!!!!!!!!!
又冇WON了,又要走去唱錢喎........唉..............即刻收返個相機落膠袋~,費事濕晒~!!
我件褸啲毛毛...都濕透了.....激死啦...............
快快脆唱完錢回旅館啦~!!
FINALLY.....JOB DONE!!!
留喺旅館HEA, 太懶了, HEA到6點先捨得出門,
希望不要再下雨啦, 我都換返件GORETEX著...
HAHA, 頂癮喎, 宜家又冇落雨喎.....
好, 出發去樂天超市LOTTE MART啦, 掃貨~
喺明洞搭4號線去到首爾站(426), 不過我唔記得咩出口出, 好似1號出口, 誤打誤撞, 到左
SISTER點名叫我幫佢買呢隻粉絲~ 我自己都買左幾包試吓....
嘩, 喺呢度都留左成粒鐘, 估你唔到~!!! 自己PACK好箱後, 係時候走啦!
返明洞搵野食, 去左呢間炒雞排, 不過啲staff 個個態度都好差, NOT GOOD!!
不過野食就OK 啦, 另外點左芝士, 撈埋落去, 香啲! 好飽呀~!!! 好滯~!!!
不過ar May反而話唔飽...回想起黎, 難道係腸胃不適既先兆?!?!?!?
食完再行多一陣明洞...然後買啲野飲返旅館。今晚早啲抖啦.......CU。不過好多野真係unexpectable....下一篇再講
沒有留言:
張貼留言