DAY7 - 2014.03.13(四) Seoul
行程: 明洞, 首爾塔
早餐: @Seoul Tower Hostel
午餐:@本粥
晚餐:麵包
住:Seoul Tower Hostel
* * * * * * * * * * *
今日唔知攪乜鬼...好似好肚餓咁....雖然過左早餐時間(7-9am), 都踫吓運氣, 睇吓仲有得食, HAHA
好彩仲有麵包食~冇人, 一個人霸晒成個飯堂
食完個早餐, 唔對路了, 個胃頂住頂住, 結果嘔吐了~~~~嘔返晒啲麵包出黎呀, MY GOD!!!
結果不停地嘔....... 最後連尋日食既菇都嘔返出黎~~
等左一段時間, 我覺得OK啲, 先敢出門口, 好在路口有間藥房, 就先去買左胃藥先,
上網翻釋定..."胃藥",,,"咬碎??" "一日食幾次.." 等等既韓文喺IPHONE度, 希望佢明啦
結果買左呢兩種藥.....仲叮囑左我NO COFFEE, NO NOODLE, NO SPICY FOOD..
唉~!!! 原本今日既行程打亂了~ :( 唔制~
無乜野食到, 於是去左本粥食粥.....點知自己胃口竟然食到幾啖ONLY......
.結果佢個廁所...遭殃了~
SORRY, 我已第一時間衝進廁所了~!!!
結果,最後個肚仍然空空的! 希望頂得住啦, 我已隨身袋定左個膠袋啦~
買左呢隻糖頂住先~, I CALL THIS "救命糖", 我一路行, 一路食住佢, 一粒又一粒, 頂到一陣陣, 繼續SHOPPING~
有時又覺得冇乜辛苦,有時有突然覺得頂住頂住。
幾得意既MUSEUM + CAFE
行行吓, 差唔多回去歇歇....麻煩左ar May幫我買蛋糕~
結果....FEEL到自己黎料啦,.............結果個隨身膠袋大派用場.............
天呀~!!! 嘔吐在明洞街頭..........so embrassing!!
雖然好想行, 但我既胃真係唔聽話~ 要返去瞓一瞓先, 睇吓會唔會好啲~
原本今日下午仲諗住去弘大AGAIN 同埋歎咖啡AGAIN架嘛...冇啦..............
瞓醒好啲啲啦, 不過都19:30啦, 應該去到首爾塔啦, 出發囉~
我地行斜路AGAIN, 原來上面啲, 仲有好多特色餐廳喎...
同埋啲特色CAFE
行左十分鐘度, 到左個纜車站了
我地買左來回票, 8500W, 等左一陣, 仲要行幾層樓梯, 至到~
上去啦, 3-4分鐘車程, 到左首爾塔入口啦~
嘩...好鬼凍呀~!!! 手襪又唔記得帶, 得一個暖包喺口袋, 我個樣都謝到爆了~
上塔頂先~買票!!!
好似天際100咁,兜一個圈.....欣賞吓首爾既夜景, 都幾靚既~
從相機影出黎, 都係爭啲, 太平面既感覺, 都係用眼望會真實啲~ 我仲搵到明洞既AREA TIM!
塔頂中的廁所~好大個窗~
好多鎖頭.....好多情侶都會做既指定動作~
我地仲研究啲鋁罐唔會被吹走既????
撞鬼囉, 搭返纜車, 仲要行呢條咁鬼長既樓梯~
搭完纜車了, 原本呢度有個升降機下坡, BUT 我地見到CLOSED, 所以又...係.... 行樓梯落
有啲韓國傳統運動既壁畫
嘩...條街得3度咋, 凍死我啦, 仲要唔舒服, 於是晚餐都食唔到咁滯, 買個麵包返旅館先, 我真係好想再行明洞shopping, 最後衝刺, 但可惜.......頂唔順。
ar May就喺旅館附近搵野食, 真係麻煩晒ar MAY啦, 我都有啲唔好意思。
於是返到旅館, 早啲沖涼, 早啲執野, 咁多野要執, 見到都頭痛, 夜晚食一小舊麵包, 結果都係嘔返啲麵包, 希望明天有好轉啦
好彩既係, 今日好彩係尾聲, 明天就返香港~
明天要早起, 一早就要走, GOOD NITE!!
沒有留言:
張貼留言