2017.06.23(五)~DAY2(下午)~明知未病好‧偏向釜山行5天の旅
* * * * * * * * * * * * * * * * * * * ** * * * * * * * * ** * * * *
#######################
下半晝行程
#######################
* * * * * * * * * * * * * * *
景點: 機張, 海雲台
#######################
* * * * * * * * * * * * * * * * * * * ** * * * * * * * * ** * * * *
#######################
下半晝行程
#######################
景點: 機張, 海雲台
#######################
* * * * * * * * * * * * * * *
好啦,上回講到喺札嘎其漁市場食完LUNCH, 差不多13:30
咁我地出發去遠啲啦, 機張嗰邊,我們最後都決定唔去食機張蟹了,
所以直接去我地要去既目的地WAVEON COFFEE
點解要咁遠到去??? 就係因為早前喺FACEBOOK FORUM見到呢張相, 覺得好正~
(來自WAVEON COFFEE WEBSITE)
所以我來也~!
喺札嘎其(110)坐地鐵去釜田(120)先~
再行去釜田火車站, 搭東海南部線電鐵
釜田 ->日光
差唔多2點, 到左釜田站了
從1號出口, 直走就到
好, 跟住指示行就得了~
搭LIFT吧~
直行經過釜田市場
狗狗吖~ 你做乜咁望住我吖?!?!
行約5分鐘度, 到左釜田驛啦~ 14:17
GOGOGO! 睇吓趕唔趕得徹班火車
行到呢條天橋, 直去大堂
呢個畫面, 有啲屍殺列車既FEEL
去到櫃枱一問, 原來去月內班火車好疏, 下一班要去到17點幾, 於是退而求其次, 去日光啦咁,
櫃枱姐姐俾張紙我, 叫我喺邊度坐車。
哎吔~ 剛剛走左14:24嗰一班。下一班要等到14:45, 咁唯有係咁啦~
跟佢指示, 搵1,2入口, 原來喺右手邊, 我地冇望到TIM~ 行左出去, 最終兜返入黎~
就會見到Donghae Line, llgwang(日光) 就啱啦~
去到日光希望有TAXI啦~
好, 入閘啦~
行去月台
就係呢架啦, 上車等啦~ 宜家只係14:30
15:23分, 40分鐘度, 到左日光站了~呢個係終點站。
非常好彩, 見到的士站, 即係有的士啦~~~!!!!
CAP左個地圖俾司機, 指俾佢睇WAVEON COFFEE,
司機知道呢~ SO LUCKY!!!
車程約10分鐘度, 7800won
到左啦~ YEAH! 真係好MODERN呢~
聽聞釜山既人都好鍾意黎呢度HEA, 好受歡迎既一間CAFE
黎度15:45度, 喺度 HEA 個零鐘啦~
隔離係渡假村
好彩唔係FULL晒。
呢度望到裏面既景~
我地叫左一杯Violet Ade, 一杯Violet Latte, 兩款甜品~
周圍既環境真係冇得輸~, 坐喺度真係有唔想走既感覺~
尤其坐喺出面啲露天位, 見到都覺得舒服
呢度係地下入口附近的吧台。呢度較嘈, 所以我地選擇坐樓上。
LET'S GO!!
GOOD, 搵到個望海既位置。
呢度望出去都好正~ 好舒服。
RELAX!
喺度享受吓一刻既放鬆。
喺度放空都不錯~~ 香港有咁既地方就好啦~
遠處見到條大魚~ HAHA
當日唔算ALL FULL, 但都多人。真係好彩坐到望海位。
好兇猛呢~
男女廁個牌都好鬼馬~
喺樓上影落樓下。
中間呢個我形容為好似大學圖書館既位，喺度做功課都唔錯喎~!
行出去天台層先~
好有藝術感既樓梯~ 小心上落呢~
呢度係喺CAFE隔離既CAMPING SITE, 唔知係咪BOOK 旅行車住先可以黎呢度呢?
喺天台影過去, 應該係好似BOOK場咁BOOK, I GUESS, 有人喺度影相。
下面就有好多麵包旅行車, 唔知係咪夜晚瞓喺裏面嗰啲。
天台望出去, 可以望到附近景色~
真係好治癒~
戶外既位都好多
大家都好悠閒咁ENJOY緊一個星期五下午
喺天台既全景觀~
我影相既其間, 我發現到一啲現象, 韓國既男生會幫佢女朋友影好多相,
女既就係咁擺POSE, 男既就好ENJOY咁幫佢地影。好暖男呢~~
落半層, 有啲位就係對住停車場~ I"M NOT PREFER坐呢度囉~
咁遠黎度, 梗係要坐海景位~ HAHA
空間感好足~
喺呢個既角度望出去, 好靚吖~
DIRECTORY~ 3層加天台~
呢度係露天位啦~ 好多梳化, 好歎吖~!!!!
呢度影到隔離既一排渡假村
MAY 喺樓上影落黎呢~!! 一點紅, 好易搵到我~!
好多人都坐喺戶外, 其實天氣都唔係好熱, 涼涼地, 喺出面都好舒服。
好想喺香港有咁既地方, WEEKEND 黎一轉, 超RELAX!
不規則既建築~
MAY, 我影唔到你呢~ 反晒光~!
門口既小擺設, 好海洋FEEL!
好似DESSERT咁
諗緊應該點走好~~~!!!!
於是問附近既STAFF, 問有冇巴士, 佢教我地過對面馬路, 再向前行就有，
於是我地半信半疑咁向前行, 點解我話半信半疑呢?
因為遠望都見唔到似巴士站既地方, 點知行左5分鐘度,
又真係有個巴士站牌喺路邊, 而且係有人企喺度等, 咁就安心啲啦~
180號巴士可以去到機張, 咁上車先算啦, 都係嗰個方向。 YEAH!! 順利上車!
大約半個鐘車程, 到機張下車，落左車, 唔知邊度搭巴士, 過對面馬路, 試吓問喺度等車既阿珠媽, 「Haeun Dae」?? 佢又點頭, 見有架1003黎緊, 阿珠媽就叫我地上車, 於是坐1003急行巴士去海雲台～
約半個鐘頭車程, 巴士去到海雲台了~ 咁我地就落車啦~
過對面就係SEALIFE啦, 我地行去沙灘方向望吓~
咁啱有表演~ 去睇吓~ 係魔術表演呢~
OPPA都幾型, 妹妹好CUTE吖~
你睇妹妹個表情幾攪笑~
沿海灘行吓~
有啲涼, 因為未係7月, 所以仲係冇乜夏天既景象~
另一邊既海灘。
有個好似直播電台既地方。
點解啲沙會咁既模樣?? 好似地盤咁既~?
呢間係WESTIN 酒店。應該都幾好VIEW!
UM.....有個鏟泥車....可能之前沙灘節整沙雕??!?
影返張冇鏟泥車既海灘, 好睇好多~ HAHA
真係好大風~ 好彩有帶外套~!
Haeundae ne!
海雲台既地圖~
我地行到人魚像~
見到隻猫猫, 原來佢啲囝囡喺橋底~
OH.....吊橋封左, 去唔到世峰樓ALSO~
咁唯有行返轉頭。都7點啦, 去食野啦~!
行返出去時, 見到開始擺攤檔, 好似大排檔咁~
沿沙灘附近都係酒店~
行到去行人道~ 有啲令我諗起胡志明市酒店對出嗰條行人道, 因為好似。
夜晚好熱鬧呢~
WOW, 發光既十二星座圖呢~
去到海雲台市場~
黎度海雲台, 梗要食盲鰻啦~ 呢度成條街都係。
我地就去呢間啦, 網上有人介紹過, 七岩生烤盲鰻
呢個WAITRESS識講國語, 咁就好啦~!
佢俾份有中文既MENU我地睇, 咁我地點份中既啦~ 40,000 won
後加炒飯 2000won
大大個MENU喺牆~ (後加中文)
呢碗青口湯送既~ 好鮮甜~
盲鰻上枱啦~ 不過還在動呢~!!
好殘忍呢~ 不過最後還是要食你落肚~
我都鍾意KOREAN STYLE食法, 包菜食~ 感覺健康啲~ HAHA
好食~ 盲鰻食落去好爽, 原來唔係日本鰻魚嗰啲口感~
食到咁上下, 加炒飯~ 不過我好飽了~ MAY 唔該你包底啦~ HAAH
呢個就係盲鰻既真身啦~ 冇特別明顯既眼同口位置~
21:00食完去散吓步, 行去BAY101睇夜景了
又沿路行返沙灘嗰邊。又經返呢啲大排檔度~
夜晚都仲有好多人玩沙~
呢條人魚.......UM....
行上公園入面, 行到有個位, 可以影到廣安大橋~ 好靚喎~!!!
當然都影返相留念~
呢度係啲高尚住宅區~ 我諗住呢度應該非富則貴~~
沿路行返去THE BAY 101, 呢對北極熊好搶眼喎~
嘩, 呢度好多好多人
又係另一片天空~
好多人喺度飲野, 食野, 有啲仲一家大細, 好熱鬧呢~
都係一個幾不錯既地。
好, 影幅海雲台夜景先~
呢個位影過去, 唔錯喎~
呢個幕牆有啲動畫展示出黎~
差唔多22:00啦, 打道回府啦~!
1003號上網CHECK過, 好似係去南浦洞既快速巴士, 於是MAY諗住不如搭巴士返南浦洞吖~
好啦, 又平啲, 又唔使行去遠啲既地鐵。
我地唔係等左好耐就有車。GOOD! 返到去都差唔多22:45啦~
一樣喺機場巴士落車既站下車, 行返去。
今日好似去左好多地方咁喎~ 好攰! 快啲沖涼瞓覺啦~
GOOD NIGHT
想睇返DAY2上午行程, CLICK HERE
想睇DAY3去邊, CLICK HERE
沒有留言:
張貼留言