‧2017.12.30 (SAT)‧
DAY1~Helsinki篇(下集)
芬蘭跨年追尋北極光10天の旅
芬蘭跨年追尋北極光10天の旅
* * * * * * * * * * * * * * *
食:
早上輕食: 航班上
晚餐: dinner on VR Train
* * * * * * * * * * * * * * *
景點:
Uspenski東正教堂, Old Market Hall, 赫爾辛基大教堂,
上議院廣場, Aleksanterinkatu 大街, 中央車站
* * * * * * * * * * * * * * *
景點:
Uspenski東正教堂, Old Market Hall, 赫爾辛基大教堂,
上議院廣場, Aleksanterinkatu 大街, 中央車站
* * * * * * * * * * * * * * *
住宿:
VR Train 上
* * * * * * * * * * * * * * *
VR Train 上
* * * * * * * * * * * * * * *
上回講到我地去完Old Market Hall,跟住就行去另一景點地標啦。
一心諗住喺度睇日落........宜家13:30度,沿住呢條街直行，已經見到赫爾辛基大教堂
喺北歐都見到MUJI嘅踪影
呢度就係Helsinki嘅其中一個代表性地標啦-赫爾辛基大教堂! 呢一大片空地就係上議院廣場
回望條街,有餐廳有商店。其實條輕軌電車就係喺呢條大街上行走。
呢度係州政府啲辦公大樓。
再次遊客MODE
我地呢班團友, 無時無刻都要跳一番!
亞歷山大二世銅像
要入去睇, 先行上石級先啦~!!
個教堂的確幾宏偉吓。
行完石級, 喺度望返落黎, 幾靚, 真係一眼望晒。
喺北歐都見到MUJI嘅踪影
呢度就係Helsinki嘅其中一個代表性地標啦-赫爾辛基大教堂! 呢一大片空地就係上議院廣場
回望條街,有餐廳有商店。其實條輕軌電車就係喺呢條大街上行走。
呢度係州政府啲辦公大樓。
再次遊客MODE
我地呢班團友, 無時無刻都要跳一番!
亞歷山大二世銅像
要入去睇, 先行上石級先啦~!!
個教堂的確幾宏偉吓。
行完石級, 喺度望返落黎, 幾靚, 真係一眼望晒。
入去裏面望吓先
裏面都好靚, 我見好多好似金造既裝飾同花邊, 好精緻!
呢個管風琴超大吖~!!
「遠遠在馬槽裏.....無枕也無床...」突然諗起呢首歌
今日超級多雲吖, 睇唔到靚日落, 但都叫見到啲啲啦!
現時係14:00
成個廣場好大吖~!!
挑戰攝影師技術....唔該影到好似42吋長腿吖!
影埋呢張, 我地做乜好呢???? 先14:15度
改一改行程, 不如又去食嘢啦咁! 咁我地沿住條路軌行,
呢條係叫Aleksanterinkatu 大街, 好旺吓!
因為行得有啲凍, 於是我地間歇性地入去商場暖吓先! 出出入入
好啦, 到啦! 呢間CAFE真係芬蘭既代表咁滯, 必要去呢間本店!!!!
基本上你去超市既大部分朱古力,糖都係呢個牌子
呢間就係CAFE FAZER (我地成日講笑咁讀, CAFE 花洒)
食CAKE啦,又飲朱古力。
見到啲雪糕, 又好想食喎!!!
我地精挑細選下, 揀左四款cake試吓
左上: 朱古力Rasberry蛋糕(€5.9)
右上: 辣椒巧克力蛋糕 (€6.6)
左下: seasonal cheesecake (€6.6)
右下: 牛奶朱古力蛋糕(€6.6)
叫左不同款朱古力, 有Marianne, 焦糖and salted等等, 我都唔記得了!
普遍茶同咖啡, 價錢大約平均€3.5
朱古力就大約平均€4.6
呢度啲燈光有啲昏暗, 令人好想瞓覺。
不過都係開餐先!
喺室內既指定動作就係.....用啲時間除衫, 同用啲時間著番衫。
你見啲帽吖, 手套吖, 頸巾吖,褸吖都放滿喺周圍。
嘩, 好大粒金莎吖!! HAHA
好多不同款味道既朱古力!
仲有啲禮盒裝啦。
依然仲好有聖誕氣氛
你睇個櫉窗都依然係聖誕架喎! 
個景幾靚!
好有FEEL喎張相
食飽飽, 繼續行啦! 宜家都先係16:10, 個情況好似同夜晚一樣。
香港真係冇乜幾可有咁嘅景, 當然要影影影吖
第一次踏足歐洲嘅我, 就覺得周圍都好靚!
冇車就快快影相吖!
HAHA, 好得意吖, 姆明燈
我地慢慢行返去中央火車站嗰邊啦, 個天一直有微微雨, 仲feel到越落越大, 都係要担遮
我地今晚會搭18:49班火車去Rovaniemi, 所以去左火車站附近啲超市逛逛,
睇吓有咩買。都係朱古力莫屬!
火車站東西兩邊都係巴士站
17:15到左火車站, 第一件事係去LOCKER度攞返啲行李先。仲要幾乎係執過啲喼咁...
事關我要換褸吖, 明天會去有雪嘅地方,
而且喺火車上空間有限, 開唔到喼, 所以喺度換定明天到北極圈會著啲褸 ...
同執出黎今晚會用嘅用品。
仲要係.....部LIFT壞左......於是我地一個一個咁抬個喼上長長嘅樓梯.......
攞住啲行李都唔想行, 睇吓有冇TOILET啦, 不過大部分都要錢,
所以又唔係太急, 上火車先去啦!
睇吓個BOARD先, 見到我地架火車應該都會準時到站。
17:47, 距離我地火車到都仲有1個鐘, 坐吓啦咁!
呢個月台不時都會有火車喺度停站。
有火車, 不過唔係我地嗰架
裏面又焗, 所以我地寧願喺月台坐, 少少凍啦, 不過都OK! 所以又係影相時間囉!
今次我地搭呢班火車由Helsinki開去Kemijarvi,
我地要喺中途站Rovaniemi 落車,預計18:49開車, 喺明天7:13到
差不多12個半鐘頭度!
不經不覺, 18:30度, 我地架車到站吖!!!
於是大家好似走難咁, 拖喼一袋兩袋, 向住車廂進發
架火車好似聖誕老人號咁, 有個聖誕老人LOGO!
我地喺最尾25卡, 所以行得較遠, 又落緊毛毛雨。
YEAH! 幾經辛苦上到車卡啦, 點解講辛苦.....?
因為車廂有啲窄, 又有人不斷會拖著行李上車,我地間房連浴室廁所, 所以喺第二層
意味著......拖喼上兩層囉!
又係盡顯我地合作精神嘅機會啦!
搵到我地間房啦, 插卡先!
同大家介紹一下呢個廁所連浴室係點玩法?!
未變身前,佢係一個馬桶
同埋梳洗嘅位置。
啪個掣, 變身變成淋浴間。
間房長型一眼睇晒, 窗邊放叉電嘢~ 我個喼可放床下底, 慳返啲位!
上下格床, 每格都有電掣, 有鬧鐘, 好方便!
今晚我就係瞓呢度啦!
都好簡潔舒服吖!
SETTLE DOWN後, 大家沖涼先! 跟住就舒舒服服去食晚餐!
餐卡喺後幾卡, 所以我地要行經幾卡, 先到餐卡, 而且去到都已有好多人, 於是我地都等左一陣, 先有位坐, 坐低左嘅時候大約已係20:15度。
朋友們已點好餐, 我喺度等食.....中.....
黎到芬蘭, 梗係要飲當地啤酒啦~!!! 連個杯都係個牌子LOGO呢!
飲勝!
YEAH!開餐囉!我地叫左兩份意粉
喺超市買左包SALAMI
叫左份肉丸, 個醬甜甜地, 好似啲莓醬咁, 幾好味。
嘩, 呢個值得推介一下, 我地頭先喺old market hall買嘅,
分別係呢個white fish 同啲rose peppercorn 同埋啲香草醃埋一齊, 好好味!
同埋呢份煙熏三文魚 , 又係好鮮好好味!
嘩, 好豐富嘅一餐火車晚餐!
好特別嘅體驗係喺火車上, 大家都沖晒涼, 舒舒服服咁歎我地啲晚餐, 的確幾爽!
你睇我地幾滿足!!!
有位團友表示佢影後靚啲, 所以用手指已代表一切感受!! HAHA!
HAHA, 宜家20:50了, 好多人都回去房裏面了, 所以好多吉位NOW!
喺BLOG度講話, 黎到芬蘭, 必試呢個芬蘭特產!!!
你地估吓係乜???
大家試食完, 都分別講左感覺好似一種味道~ HAHA
你地又估吓係乜?
21:34去到一個中途站, Tampere, 有啲人落左車。不過我地全程都冇俾人查過票。
每位房客都會送一支水, 個包裝好靚吖!! 所以影低佢, 事關, 之後我攞左去回收了, 真環保!
好啦, 22:30啦, 今日都好攰啦, 係時候就寢。
上左床,撥開我啲雜物去床尾, 好似仲寬敞過我屋企張床
所以TIME TO SLEEP LA!! 明天要早起, 因為好早要落車。
GOOD NIGTH!
DAY2我地會去邊??? CLICK HERE
想重溫DAY1~Helsinki篇(上集), CLICK HERE
沒有留言:
張貼留言