DAY4 - 2014.07.01(二) 宜蘭->台北->香港
早餐: 女主人中式早餐@ MI CASA
午餐:好記担仔麵@台北
晚餐:飛機上
景點: 台北站前地下街
新光三越
光南大批發
東區
中山站
******************************
今日好早要起身了, 因為BOOK左9:00車, 返台北啦。好好天!
要執既野, 執得七七八八啦。
今日女主人為我地準備中式早餐, 有白粥, 有好滑既豆腐, 蛋, 豆漿等等.....
哈哈~!! 我又貪得意, 留吓言先~
小插曲: 原來諗住叫司機哥哥幫我地影大合照.....仲要好似影左2張, 點知..............
原來一張都冇影到, 太可惜了
所以唯一影到民宿主人與夫人, 焦糖, 既係...我SET機時試影左一張
難道註定....我會再黎第二次???
BYE BYE MI CASA
BYE BYE宜蘭。
過左一個多鐘頭車程, 10:00度, 我地麻煩司機哥哥喺Q Square放低我地, (NT2200)
於是去搵LOCKER放喼先~
最後, 我地用左3個LOCKER, 大SIZE NT70三個鐘, 中SIZE NT50三個鐘
揀LOCKER號碼, 入完錢, 攞飛, 確定佢LOCK好就走。
穿地下街先, 行去新光三越, 買春水堂珍珠奶茶外賣, 佢啲珍珠細粒既, 飲落去口感都OK!
跟住就係去光南大批發啦,我至愛, 黎台北必到地方....因為我要掃"筆"...........
行到快13:00了, 剛好約到喺台北出Trip既Joshua, 一齊食個LUNCH,
台灣朋友介紹呢間, 就打的過黎試試啦。
呢間係食台菜既, 個環境好重台灣FEEL, 幾得意。
平時呢間餐廳ALWAYS排長龍，好彩我地唔使等。
紙巾都特別過人~
好懷舊FEEL
嘩..叫左好多野食呢~ YUMMY!
HAPPY LUNCH之後, 2點零啦, 又係時候諗吓去邊啦, 去東區啦咁....
買吓野, 睇吓有冇CAFE可以HEA吓
香港既咖啡弄都多人排啦, 呢度既咖啡弄都係喎, 仲要係....好似香港人......等....
行吓行吓,風雲變色, 天降超大雨, 好彩Purr's Cafe唔係好遠,
於是二話不說, 飛奔去避雨先,
但實在太大雨啦, 大家都俾雨淋到成身濕晒, 對鞋濕晒, 對袜濕晒, 有遮都冇用。
講返呢間CAFE, 果真別緻, I LIKE IT~ VINTAGE FEEL。
聽聞呢度既朱古力好好味, 於是叫一杯先~
熔岩巧克力賣晒~嗚~ 咁唯有點其他野食啦,
叫左個花生香蕉帕尼尼.......
等食時, 周圍影吓相先~
雨呀雨, 可唔可以唔好落咁大呀??!??!? 黎台咁多日, 每日都係幾乎3-5點都落雨既????
呢個就係花生香蕉帕尼尼......都幾好味喎, 鹹鹹甜甜夾雜一起, 味道又幾MATCH喎~
HEA到5點零, 雨細左好多, 係時候走人啦。
第二站去中山站嗰間李製餅家買鳳梨酥, MY FAVOURITE..所以點都黎買一買。
跟住再嗱嗱淋買埋把超輕防UV遮,
不過有段小插曲.......話說早上剛好去一間賣遮既地方睇遮啦, 咁我當然要打開睇吓啦,
咁我又冇EXPECT要去收拾返, 睇左幾個唔啱咪走囉, 結果......
個店主即擰轉面同個員工好不屑咁講
" ...香港人就是這樣......看完又不買....."
聽完我都打左個突......有啲唔禮貌...........
難道近幾年香港人去台灣時, 俾佢地既印象變成咁?!?!?!?
YEAH! 買齊....再迅速飛奔回Q Square攞行李,
每個LOCKER加多6個鐘既錢, 得咗,
7:00 啦, 約左個司機哥哥(Thx Joshua's help), 送我地去機場啦。
一去到機場, 大家第一件事係.....開喼再執一執頭先買既野, 盡量放落喼。
頭先落湯雞既...換鞋既換鞋, 換袜既換袜。
搞完一輪, 去CHECKIN 寄行李啦。
今晚 BR827 21:50起飛, NO DELAY! GOOD!
WE ARE "LADIES", NOT "C9" 啦~ HAHAH, 上機啦
話說機上都有段小插曲......真唔明宜家啲香港後生仔女...
.咁自我中心, 咩都以為自己大晒, 真可悲~!!!!
YEAH!!! 買左要買既野啦~!!!
呢次旅程, 既新鮮又特別, 有新鮮既組合啦, 有新鮮既地方啦, 認識民宿主人啦,
明明好眼瞓都狂笑醒左啦~
各種旅程既開心事 , 都覺得自己係賺左既~!!
沒有留言:
張貼留言