‧2018.01.05 (FRI)‧
DAY7~Kirkenes篇~暴走挪威就是為了帝皇蟹Safari
芬蘭跨年追尋北極光10天の旅
* * * * * * * * * * * * * * *
食:
早餐: 快食即食韓國拌飯@Ruktu小木屋內
午餐: King Crab Safari (豪嘆帝王蟹)
晚餐: 叮叮飯+咖哩汁+芝士烙餅@Ruktu小木屋內
* * * * * * * * * * * * * * *
景點:
挪威join King Crab Safari
* * * * * * * * * * * * * * *
住宿:
住小木屋 Inarin Kalakenttä@Inari (Ruoktu係大木屋, Loito係小木屋)
今次4人住大木屋, 2人住小木屋
(Ruoktu房價: 約HK$1,804/晚. TOTAL5晚, 圍番每人約HK$2,256)
今次4人住大木屋, 2人住小木屋
(Ruoktu房價: 約HK$1,804/晚. TOTAL5晚, 圍番每人約HK$2,256)
* * * * * * * * * * * * * * *
GOOD MORNING!!!! 今早好早5:30就要起身啦!
因為今日去挪威吖!!!! 因為車程起碼4粒鐘!
所以今朝我地預7點出發, AROUND 11點應該到呱~
今日嘅時間好混亂, 因為挪威比芬蘭再慢1個鐘
我地出發前一個星期喺網上BOOK左JOIN KING CRAB with divers嘅TOUR
食帝王蟹吖!
佢地活動時間係10:00 ~ 14:00
即芬蘭時間11:00 ~ 15:00
梳洗完畢, 再執好要帶嘅嘢, 時間緊迫, 快食個早餐先!
莫過於食即食韓個拌飯啦!!
7點準時出車, 楂左2個半鐘,
我地今日要過境吖!!! 地圖顯示....我地將會跨境入挪威啦~!!
跨境前, 我地要搵間商店歇一歇, 去個廁所先!!
成程車, 條路一直都係咁嘅景觀, 不過個天開始好靚!
好在有間好細嘅K MARKET , 但......咁啱有架旅遊巴喺度, 有一條隊....
都係喺度等唯一一格嘅廁所...唉....又鬼死咁慢! 嗰度都嘥左好多時間
於是唯有EMAIL去間TRAVEL AGENCY講聲, 我地可能會遲到!
佢地好好, 話延遲去11:00, 但不能再遲, 所以我地繼續我地嘅路程啦!
過左黎挪威, 個景完全同芬蘭不一樣!
嘩, 挪威係好多山川同湖嘅景
馬路都好闊同平坦
冇芬蘭咁多樹圍住, 所以望嘅景好開揚!
見到油站同商店, 即係我地到左近市中心啦! 宜家係挪威時間10:07
個TOUR GUIDE會喺呢間THON HOTEL酒店PICKUP我地, 其實大家黎呢度, 如唔想咁趕,
可以住一晚呢度, 咁又可以順道行感受下挪威嘅氣息!
但我地都係選擇左即日來回~ 所以來回車程都用左6-7個鐘
至於抵唔抵...我可以話你聽, 「值得!!!!」
宜家10:15我地就喺度等人PICK UP!
冇乜野做, 周圍影吓相,感覺今日好似凍過尋晚咁喎!
你睇, 凍到個海上都有一層霧氣升上黎!
大家都盡情影影影!!
我想話.....真係好凍好凍吖!!!!
真係唔能夠逗留太耐!!!
呢間酒店係集合地點
HAHA, 你睇!
呢度有啲似北海道嘅知床咁
今日FEEL到異常的凍!!!!
挪威時間10:30, 即芬蘭時間11:30, 我地乖乖喺度等人黎PICKUP
11:00, 司機哥哥黎到啦, 佢車我地去目的地! 沿途嘅景都好靚! 山川湖泊
九人車接送,司機好NICE!
佢仲話我地聽,呢度就係俄羅斯邊境啦!隱約見到有個閘
大約半個鐘車程, 到啦! 首先黎迎接我哋喺係一位WHITE GRANDMA! 佢地話隻狗狗係grandma了!
好得意, 好鍾意同人SOCIAL! HAHA
我都集郵啦!
我地陣間嘅帝王蟹之旅, 會喺呢度坐船出去...
SORRY唔係船, 係橡皮艇! 左手邊前面嗰隻!
好啦!! FULL GEAR, 佢地會PROVIDE連身衫,
我就著埋自己啲衫, 冇除到, 再外穿佢嗰件夾乸衣。
鞋都係著返自己對雪鞋
帶埋頂帽, 手套佢都會PROVIDE
攪掂!
同行有另一GROUP來自俄羅斯嘅遊客們, 一齊去上「艇」啦!
大家小心跣吖!
11:45啦, 我地正式出海啦!
嘩, 凍到有薄冰!
你睇, 個湖變成咁啦! 好近距離見到呢!
嘩, 今日真係超凍, 佢地話有成-22度呢!!!!! 我都全程要笠埋頂帽!
大家就係咁坐喺隻艇嘅邊, 搵野扶住就得架啦!
大家啲表情都好似結左冰咁...HAHA
嘩, 你睇啲霧氣幾咁犀利!
船長會楂到去有景嘅地方, 俾我地了解吓呢度, 影吓相
同埋我想講, 佢啲水好清, 近岸啲位, 係隱約望到海底
今日其實呢個團係做咩架呢??? 係潛水員潛落水捉帝王蟹俾我地陣間開餐吖!!
原來頭先個司機, 另一身份係潛水員呢! 好英吖!
READY LA!
帶好晒裝備啦!
孭埋個氧氣樽, 差不多準備就緒啦!
BYE BYE GOOD LUCK FOR OUR LUNCH, HAHAH!
船長話今日天氣係-22度, 不過水裏嘅溫度係3度, 潛水員好堅吖!!!
喺佢落左水嘅同時, 船長又帶我地遊吓附近特別嘅地方, 嘩呢啲冰柱好靚吖!
好似啲鐘乳石咁!
再駛近啲望, 真係好靚吖!
我都趁機影吓相先, 咁難得先見到咁嘅景!
我ONLY帶左部OLYMPUS喺身咋, GOPRO都冇帶TIM!
好似仙境咁
幾分鐘之後, 說時遲,那時快, 潛水員手上已有兩隻好大嘅帝王蟹啦!
我地都拍掌歡呼!!
呢對蟹難捨難離....SORRY 陣間就要食你啦!
隻蟹真係好重!!!! 大家都過吓手癮先!! 佢地有教我地點楂住佢影相~ 以免俾佢鉗到!
有左蟹, 係時候回程啦!
唔小心嘅團友!!!!丟低左隻手套呢!! 架船駛去執返。
12:30啦, 準預回程啦!
原來佢地一早放定左個籠喺度捉蟹, 撈起睇吓有咩先!?!
都有4-5隻小型嘅喺度喎, 佢地仲解釋俾我地聽,年幼女性規定要放生, 好讓將來有更多蟹!
左邊係女仔, 右邊嗰隻係男仔, 同平時我地睇蟹一樣, 尖嘅係男, 圓嘅係女
回程佢開快左啦, 所以堅凍, 船長話如果好凍, 調轉坐, 於是我成個人就背住坐左落橡皮艇裏面
我地講笑咁形容, 我地似TITANIC獲救嗰班人..... 一樣!
12:50啦, 回到岸上啦!!!
下一步做啲咩呢???
當然係卸返啲行裝啦!!
YEAH!呢個旅程, 正!!! 超級推介朋友們住INARI嘅話, 要黎玩吓!
行去餐廳度, 享受一頓豐富嘅帝王蟹餐啦!
佢好耐心咁講解關於帝王蟹嘅故事, PROJECTOR咁SHOW俾我地睇,
同俾多啲資訊我地知
當時嘅燈光確實有啲昏暗, 所以....有欲睡嘅感覺呢~~~!!
未有蟹食之前, 有茶同餅乾任食任飲~
亦有果汁供應
等自己醒神啲先!
一定有嘅麵包!
YEAH! 14:00, 萬眾期待嘅帝王蟹來了!!!
一輪歡呼聲~~~~~
你睇, 對比之下真係想像到有幾大啦!!!
好啦, 講解員又化身成為食家咁!!
好耐心咁教我地點食佢, 睇完真係覺得好易喎!
嘩, 對腳都長到咁!!!!!
開心享受呢一餐啦!
靚仔潛水員示範完, 俾埋我, HAHA 唔使動手就食得! 正!!!
真係食得好滋味!!!
超級鮮甜, 超級多肉, 連腳嘅尾尾部份都有肉吖!!!
每人都食到捧住個肚走吖!!! 仲......食.......剩.........1隻腳呢.........!!!!
對面嗰GROUP俄羅斯遊客早我地一步跟車走啦
因為食完都差唔多下午3點幾啦!
我諗佢地每天白天都係做一轉ONLY, 感覺佢地好似準備收工咁!
上堂嘅設施HAHA
認真安排, 值得一讚!!
見到梳化, 好想瞓落去!!
好啦我地跟另一架車走啦, 佢地車返我地喺THON HOTEL
我地就楂返自己車回芬蘭啦!
短暫嘅挪威之旅就完結啦!!!
又係去到兩國邊境, 其實都冇乜野, 冇特別設施....咁就過左第二個國家啦!
我地楂返3個幾鐘車返INARI, 路上都係黑黑的, 冇乜燈!!
返到黎都差不多夜晚21:00, 太攰唔想整野食, 食叮叮飯同咖哩汁AGAIN
開糖食啦, 好味嘅姆明糖吖! 有阿美添!!!
仲有史力奇吖!!!
是晚發生小狀況, 就係........另一間木屋冇水了....
可能太凍關係........佢地即刻CONTACT左屋主了解一下!
於是喺我地間屋沖啦!
好啦, 輪到我最後沖時.......冇......熱........水!!!!!
唯有淋吓身算啦!!!
是晚又去睡啦! 早抖!!
想睇返尋日DAY6 Inari篇~瘋狂影相+難忘遇見北極光, CLICK HERE
請問你呢個可以出海嘅KING CRAB團喺邊度報名架？Thankyou！
回覆刪除