‧2018.01.06 (SAT)‧
DAY8~ Inari篇~Husky雪地奔馳篇
芬蘭跨年追尋北極光10天の旅
* * * * * * * * * * * * * * *
食:
早餐: 自己homemade@Ruktu小木屋內
午餐: Papana@Inari
午餐: Papana@Inari
晚餐: Dinner@Ruktu小木屋內
* * * * * * * * * * * * * * *
活動:
Inari~Husky Safari
* * * * * * * * * * * * * * *
住宿:
住小木屋 Inarin Kalakenttä@Inari (Ruoktu係大木屋, Loito係小木屋)
今次4人住大木屋, 2人住小木屋
(Ruoktu房價: 約HK$1,804/晚. TOTAL5晚, 圍番每人約HK$2,256)
今次4人住大木屋, 2人住小木屋
(Ruoktu房價: 約HK$1,804/晚. TOTAL5晚, 圍番每人約HK$2,256)
* * * * * * * * * * * * * * *
MORNING!!!!!
今早早起, 因為Join左10:10~13:15嘅Husky Safari
又係換裝時候, 我地好早到左, 好似冇乜人理咁...
跟住就著埋佢地啲裝備, 衫,鞋, 手套, 去到centre隔離, 上左架車, 載我地去狗場
10:24度, 到達啦,有個帳蓬喺度, 應該係陣間歇嘅時候入去的。
帳蓬後面就係個狗場啦, 好多籠, 全都係狗, 勁多狗喺度吠
啲狗好興奮~ 周圍喺人身邊轉黎轉去。我最認得呢隻綠色項圈的一隻, 因為佢好靜好乖。
你睇, 佢地簡直開心到一個點!
喺呢度嘅HUSKY唔似喺香港見到嗰啲咁
又瘦, 又冇留到好長毛, 所以同想像中有啲出入。
好似唐狗咁~HAHA
聽完指導員講解一陣後, 佢教我地點樣套啲裝備喺隻HUSKY身上啦, 我地就跟手搵一隻試吓!
HAHA, 呢隻百厭星, 又趁我地幫另一隻套上時, 又毫不客氣咁走上黎我大脾度!
仲想錫我添~ HAHA 好可愛吖你地!
一切準備就緒, 通常有5-6隻HUSKY負責拉一架雪撬
無辜辜嗰樣, 好攪笑
擺晒陣啦~ 大家乖乖咁等指令!
我地都準備就緒, 第一轉我先坐, Phoebe負責控制
我FEEL到佢地勁想跑.....急不及待咁飛奔! 11:00度, 我們出發啦!
我地會穿越森林, 好似探險咁
去到中段歇一歇, 俾狗狗都歇一下
我隊TEAM!! GOOD JOB!
好好笑容喎!
唔知點解HUSKY就是有樣諧趣樣的特質, 見到佢瞪大對眼, 唔知點解就係覺得有啲攪笑。
好似被嚇驚嘅樣咁, 不過佢對藍眼睛好靚!
佢地心裏面一定諗....「攪乜吖, 你地, 俾我跑得未吖???」
今日個天色唔太好, 灰灰矇矇咁......所以見到乜都係藍色一片,
下半路程就交換位置, 我負責控制, 其實隻腳都會有啲啲攰,
因為又要就住唔好同前車跟太貼,
所以成日都要換個踩雪制, 感覺好似夾硬扯住啲狗咁......
下半路程就交換位置, 我負責控制, 其實隻腳都會有啲啲攰,
因為又要就住唔好同前車跟太貼,
所以成日都要換個踩雪制, 感覺好似夾硬扯住啲狗咁......
成個路程大概1個鐘頭15分鐘度, 狗狗們辛苦啦! 12:15度返到去起點啦!
同班HUSKY影吓相先~
我真係好鍾意望你對眼.......
辛苦你了! 再見了!
黎個大合照先!
知你攰啦, 快啲休息吓, 陣間你地仲有下一轉
BYE BYE LA!!
臨走前, 同你影吓相先!
藍眼睛好吸引
佢地嘅眼神有時好儍,有時好惡咁...
12:30度, 我地去呢個帳蓬啦
去歇一歇, 有熱茶飲
大家圍埋一堆, 暖暖的
仲有一個好特別嘅食物, 好似烤麵包咁, 有啲糖喺上面, 幾好食, 我地就問佢咩黎,
佢教我地讀.....「卡...呢...LEE KOR.. (捲脷) 浦 」
於是我地陣間睇吓超市有冇得買啦。
佢地有本GUESTBOOK俾我地寫...留左幾隻字
仲送左張POSTCARD俾我地!
差唔多啦, 13:10啦, 係時候回程了!
佢地車返去中心, 我地換返衫就攪掂。
不過我想講, 呢次嘅體驗, 我覺得呢間嘅服務真係差啲, 唔知係咪唔鍾意亞洲人。
過程中遇到有啲啲不禮貌嘅對待, 所以對呢次活動扣左啲分
如果想玩HUSKY唔一定去呢間...可以去團友DAY6去騎馬嗰間
而HUSKY呢個活動試過一次就夠啦, 感覺好似辛苦左啲狗咁...........不太好受
而HUSKY呢個活動試過一次就夠啦, 感覺好似辛苦左啲狗咁...........不太好受
下午我地選擇去呢間, 之前睇阿貝嘅片, 都有介紹過
PaPaNa
裏面好美式裝潢,我地可以坐張長枱。
黎左咁多日都未飲過呢度嘅cider, 就點cider飲啦
叫左好多野食!
睇吓隻手嘅對比, 就知有幾大...............等我地仲叫左咁多野食添......
叫左個BURGER, 超足料! 叫左2種唔同款
呢味我都唔記得係咩黎啦~
雞翼加薯格
呢碟我都唔記得係咩....
腸同薯條
總之成枱都係啦! HAHA
結果我地係要打包好幾樣返屋企食!!
我地喺度撞到一對香港的新婚夫婦, 剛剛到埗INARI, 黎呢度渡蜜月, 問我地睇唔睇到極光, 我地教左佢DOWNLOAD 個AURORA forecast app, 希望佢地之後嗰幾日能見到極光!
食完午餐 , 差唔多16:00了, 天都黑晒, 去埋手信舖行先, 要買吓啲手信!
好靚吖, 啲磁石貼!
有鹿肉罐頭
同熊肉罐頭
哈哈, 右邊賣嘅係乜??? 睇圖明晒!!!
呢啲火柴盒都好靚!
都唔平吖! 芬蘭買手信, 的確唔平!!
好靚嘅擺設
仲有呢對毛頭老夫婦, 好攪笑!
我地跟住去埋KMARKET, 之後就回家啦,
梳洗完畢, 今晚係我地留喺木屋嘅LAST NIGHT, 不醉無歸HAHA
我地食返剩返嘅物資, 同埋早幾日買嘅芝士烙餅
所以要清晒啲酒啦! 努力啦大家!
22:00啫, 喺度吹吓水啦!
諗起陣間要執行李, 頭都大埋!!!!
又一支!
是日幾位都醉了, 早抖, 明天早起身, 執行李!!
沒有留言:
張貼留言