DAY2 - 2015.03.06 (五) 悉尼
早餐 : 飛機上
午餐 : 食Burger @ Olivo
晚餐 : Ribs @ HURRICANE’S GRILL Darling Harbour
住: Vivien Home
* * * * * * * * * * * * * *
喺飛機上, 我都係唔係好瞓到覺, 瞓吓醒吓, 想再瞓返都難。
結果經過9個幾鐘既漫長時間
..........喺當地時間7:49分(即HK TIME 4:49) 著陸啦。比原定時間遲左30分鐘到。
一到埗, 先去左OPTUS買返張電話咭先, 佢地有個PLAN $2/DAY,(500MB each day), 我地買左10日, 所以承惠AUD$20, 約兌6, 即HKD$120度。
跟住就去WH SMITH買張OPAL咭, 每人一張, FOR搭車用。好似香港八達通咁
OPAL幾多優惠架, 例如非繁忙時間搭有7折,
一個WEEK, 由MONDAY計起到SUNDAY, 如累積搭了8次, 之後嗰啲喺嗰個WEEK內都係免費, 除左去機場既ACCESS FEE AUD$13要俾之外。
不過佢嘅一程有可能係駁腳之間少於60分鐘都叫一程。所以搭完火車, 喺60分鐘內再搭巴士, 有機會都係當一程咁計架。
今次我地除左用到佢既7折車費優惠外, 仲用到8次之後免費既交通費呢~
第一次買咭，我唔SURE係咪一定要增值到AUD$40, 不過我地就入定啦, 因為由機場去Vivien Home都去左廿幾蚊啦。
攪吓攪吓, 都成個鐘啦, 9點零啦, 搭火車去Wynyard站, 再行去搭巴士
尚算順利, 不過差不多11點先到達VIVIEN HOME。
好啦安置好行李後, 我地出發去Darling Harbour啦。
*** BTW, 我個精神狀態依然有啲迷迷惘惘, 因為唔夠瞓啦....
喺巴士站等車, 第一次巴士誤點既心情......當然係.............
唔知點算.....等好??....唔等好??.......巴士早到左, 走左???
結果答案係..巴士遲左20分鐘到。
於是我地都懷著興奮既心情上車去到市中心啦, York St, QVB對面落。影吓相先~
跟住Google Map帶路, 行經Market St. 到達Darling Harbour啦!
同我差唔多十年前黎一樣, 冇乜大分別, 唯一分別係嗰時有個MONORAIL喺橋上, 宜家冇左。
點零鐘啦, 有啲肚餓了,要去搵食啦~ 嘩, 好鬼熱.....unexpectable weather and temperature.
我竟然.....帶件....毛毛褸黎.........全程袋喺環保袋度孭住。
唔講啦, 食野啦, 是但搵左間坐外面既餐廳, 望住個VIEW食, 幾好吖........... 好多海鷗呢~
等食中....
我地叫左一份BURGER + DRINKS, 都成AUD$15 (HKD$90) share食, 份量啱啱好。
慢慢食完後, 又慢慢沿harbour邊一路行, 散吓步
呢度影吓, 嗰度影吓, 好鬼晒呢~
你又懂唔懂呢??? 記住啦喎, 多啲咀咀啦~ HAHA
IMAX戲院, 十年前黎時都有。
食雪葩先~荔枝味.....UM...呢隻味道麻麻。
快快脆脆食完佢先,好似食極都仲有咁既?!?!?!
一路行到PIER26嗰邊, 就係WILDLIFE ZOO同SEALIFE既入口啦,
今次我地剩係揀左去Wildlife Zoo睇樹熊同袋鼠, 滿足一下Sendy既要求。
Vivien俾左張買一送一優惠劵俾我地,
變相AUD$40兩位,慳左好多呢~ (網上買都要AUD$31呢),
又唔使限時間要幾點入場, 於是我地約3點度先入場
又唔使限時間要幾點入場, 於是我地約3點度先入場
蝴蝶都乖乖伏喺度, 有啲喺個AREA度自由自在地飛, 仲有其他昆蟲同爬蟲類
仲有Tasmanian Devil, 嘩...佢食肉時既樣....真係好凶殘......
WOMBAT(袋熊)呀....有(KANGEROO)袋鼠呀....其他鼠類....鳥類.....等等..
香港成日見既彩鳳....
主角黎啦, ......去樹熊館啦, 咁啱有個KOALA BEAR TALK, 就去八卦一吓, 樹熊樹熊呀..
你地好鬼懶呀, 係咁瞓.....都唔多郁...........幾難先見到你個樣..........
瞓覺呀.............食呀..........再瞓過...............
聽完個TALK再睇多樹熊一陣, 然後返番去鱷魚
又去探KANGEROO 同 WALLABY
行到5點零, 約左親戚Rio見面, 去呢度食dinner
Hurricane's Grill, 叫左個Half Pack 既Rib 都咁有份量, 一份牛, 一份豬, 叫左份salad
waiter 幫我地帶上呢個"口水肩", 開餐啦~ 肉好juicy~ 豬rib都好juicy, 嗰beef rib 都唔差喎,
我地好彩早去, 食完既時候, 已經好多人喺出面排隊等位啦~
好豐富既一餐, 多謝Rio, 同埋佢既手信, 離開darling harbour前合照留影先~
跟住行返去QVB, 然後行返去Wynyard附近搭尾班車回家了~ 是日超級眼瞓。
7:30度, 太陽都開始落山啦。
返到vivien 屋企,臨瞓前gals talk~ 我都不敵睡魔召喚, 要瞓啦。
沒有留言:
張貼留言