DAY7 - 2015.03.11 (三) Hunter Valley -> Sydney
早餐 : 自己煮@ Timbercutter's Cottage
午餐 : 法國餐@Roberts Circa 1876 Restuarant
晚餐 : 快食壽司巻@Kitami Japanese Restaurant
Pokolbin - LINDEMANS酒莊
Hamilton
住: Vivien Home
* * * * * * * * * * * * * * *
GOOD MORNING!!!! 朝早8點起左身, 瞓得唔係咁好.....
黎返個靚靚早餐補數
早餐材料喺雪櫃, 大廚動手啦~!
兩隻大狗幾舒服, 食食吓見到佢地走過黎走廊, 就咁好舒服咁瞓左喺度~
見到佢地都FEEL到幾咁RELAX
好啦, 要走啦, 喺GUEST BOOK留字先~
BTW, 要提醒一下諗住住呢度既朋友仔,
記住自己帶黎又食唔晒既野, 唔該帶走.......
我地做左個錯誤既示範...............
唔記得丟張錫紙之餘, 又唔記得帶走我地食唔晒既Garlic Butter同汽水........SORRY NE!
因為佢地有可能可以CHARGE你整潔費架.......
差唔多10點了, 出車啦。
哎吔,條橋有工程TIM, 要等一等架拖頭退後俾我地過。
好啦, 去返小木屋既酒莊度還KEY啦, 順便試左佢既紅酒
住客有8折
尋晚喺小木屋飲過既紅酒, 勁呀...原來有成17度酒精,
唔怪得一入口,嗰種熱度, 就FEEL到啲酒去到身體哪一處。
我買左支SHIRAZ...都幾易入口。
好啦, 往Pokolbin進發, 先去LUNCH餐廳條路先~
哎吔, 仲未有訊號, 唯有用Vivien借俾我既GPS帶路
約半個鐘車程, 去到餐廳附近, 見到間酒莊,入去八吓先~
好似有人參加Wine Tasting咁, 我地見好似要錢先試得, 所以走左啦。
出發去書仔都有介紹既LINDEMANS酒莊, 途經呢度, 嘩, 真係楂楂吓車, 都忍唔住要停低啦
一定要影相呀~!!!!!
真係好靚好靚既藍天白雲
真係360度既天空, 好FREE呀~!!!!
真係唔捨得走................
哈哈, 11:45到達LINDEMAN'S CELLAR DOOR啦, LET'S GO!!!
SENDY已好認真咁睇MENU, 開始係咁試酒啦
無論Shiraz, Semillon, Cabarnet Sauvignon, Moscato, 各種紅/白/甜酒可要求試飲。
你睇SENDY "紅"都"臉"晒, 就知佢試左唔少杯啦
我礙於要楂車, 所以都係..每樣係咁二試左啲啲ONLY。
呢度既酒, 好有果味, 好易入口。啲甜酒都唔差
不過HUNTER VALLEY好似出名SHIRAZ 同SEMILLON, 所以都係買多支白酒算啦,
我行李太重啦, 唔可以再買得多。
我地試吓試吓, 發覺唔夠時間,
因為我之前BOOK左食LUNCH 間餐廳 12: 15, 睇怕唔得啦, 好趕。
於是麻煩個酒莊職員幫我地打電話去嗰度, 改12:45
好囉, 又可以慢慢試。
個葡萄園都係好靚~ 好啦, 要走啦, 12:30啦。
好啦, 12:45到餐廳啦， LET'S GO!!!! 嘩, 走地雞。
呢間餐廳其實都係酒莊呢既, 叫Pepper Tree Wines, 係好出名既酒莊之一。佢係集萄葡園, 酒莊, Hunter Valley 最出名既餐廳 Robert's 為一體既綜合性莊園。
餐廳係一個好靚既木屋黎架, 真係好靚,每樣擺設都係影相位~
咁啱SERVE我地既男仕, 唔知係咪老闆, 同佢傾傾吓, 原來佢剛剛喺香港回來,
好似喺香港有餐廳咁喎~
ORDER完, 等食期間, 去出面影吓相先~
嘩, 好靚呀..........
杯是日飲品, 好FRESH, 用佢地果園既材料製成,
我飲到柑味, 蘿蔔味.......
我地ORDER左鵝肝 Foie Gras
蟹肉 Crab Meat (用海胆殼盛載) 賣相好靚, 食落都好好味
Murray Cod (墨瑞鱈魚)
佢附上麵包...不過有啲酸~ 所以我食唔晒一個啦~
食完後, 我地再ORDER左甜品......
等食時, 要走左出去影相AGAIN~ 呢個黑板好別緻喎, 畫左個花園圖出黎。
出面個花園好靚呀~ 一路行一路夢想係自己屋企既後花園咁.... HAHA DREAMING!
見到咁既景, 心情都舒暢啲
景色一絕
喺我地影影吓之際,老闆叫我地,"你地既甜品就到啦~~~"。嗱嗱淋返番坐位
一個係Napoleon , 一個係Chocolate Cake都好好味!食完啦
盛惠AUD$132.5, 好滿足的一餐。
連個TOILET都咁有古代英式FEEL
喺餐廳既另一房間, 好似擺放左好多古董咁。
同埋酒窖.........
喺呢度食左成2粒鐘, 又輕輕鬆鬆離開啦
下一站芝士工場
但...冇得免費試食............. 要JOIN CHEESE TASTING先有得試。所以留左一陣就走啦。
跟住原本諗住想去Hunter Valley Garden 望一望,
點知個IPHONE GPS指左目的地係喺路中心
都成15:30啦, 於是.....算啦都係還車啦，要預返搭火車時間。
還車前去入返滿油先, 自助入油, 然後喺店裏話佢聽幾號位, THEN俾錢。
去還車啦。
SENDY突然REQUEST話, 試吓問問職員, 俾我地楂埋上去火車站放低行李先,
再楂返黎還車, 因為我地行李實在太重，得喎
於是楂車去Hamilton Station放低Sendy同啲行李先, 然後我一個人楂返落黎呢度還車。跟住就要自己行過去火車站啦。
沿路都有好幾間餐廳。
我一個人身上剩係有IPHONE ONLY, 行過呢度, 說不出的輕鬆感...........HAHAHA
我地啲行李咁重點算???你睇, 唔知點解火車站嗰邊有個推車, 就咁攞左黎用啦。原本係想搭17:25, 但趕唔徹, 就搭18:25嗰班啦咁。為免太遠,
我地去左間就近, 一個街口之隔既日本店食巻物，快靚正嘛。
食完後, 順利搭上18:25既車, 喺Hornsby轉車。
轉車啦, 口痕, 食粒BB糖先~
20:45度到Gordon站, 又麻煩Vivien老公接我地回家啦。
呢個係我買既兩支酒。辛苦晒大家, 又要再執行李啦, 因為明天又要遠行啦。
繼續明天Day8行程, Click Here
重溫一下昨天Day6行程, Click Here
沒有留言:
張貼留言