DAY8 - 2015.03.12 (四) Sydney -> Blue Mountain
早餐 : Bread @ Vivien Home
午餐 : Burger@Katoomba
晚餐 : Yellow Deli@Katoomba
Katoomba
Scenic World
Echo Point
住: Leisure Inn Spires, Leura
* * * * * * * * * * * * * * *
Good Morning again!
考慮到睇天氣預測, 藍山明天好似溫度急降, 而且有雨, 於是可以帶厚啲既衫啦, 同埋一件GORETEX。
10點鐘出發去藍山啦, THX Rudolf 車我地去St Ives Primary School車站, 等Bus
順利上左車, 悉尼橋上既歌劇院。
呢個APP真係要強烈推介(Vivien話我聽), 叫做TripView Lite Sydney
呢幾日我地搭車都全靠佢
同埋
佢有晒列車到站既時間, 咩月台, 唔使自己去搵邊個月台, 認數字就得
好方便。
而搭巴士我就多數用transportnsw.info, 佢可以話埋你知喺邊度上車, 邊度落車
再配合GOOGLE MAP使用就得架啦。
去到Wynyard站落車, 就跟住搭火車啦
去到Central站轉車。
呢度就係CENTRAL啦, 時間尚可, 出一出閘去個廁所先, 睇吓有冇野食買。
(p.s. 因為OPAL 60分鐘內出閘再入閘, 好似得....但結果...查實唔知有冇扣多...)
Central係大站, 所以好鬼多人, 趁空檔影吓個大堂先~
好大個鐘喎~ 出面都係人
外面陽光好好
呢度有輕鐵呢....但我無緣見到
11:18啦, 係時候上車啦, Central至踩去Leura, 車程約2個鐘度。
慢慢你會見到啲景色由市區一路變成山區, 越黎越空曠。
差唔多13:30啦, 到站啦, 又係啲舊式火車站。I LIKE IT
好靚呀~
天氣尚算OK, 係比市區涼啲啲。
我地今晚下榻既酒店, 真係離火車站好近, 幾乎係一上地面, 對面就係。先去CHECKIN，有得攞房啦喎。行去隔離街, 我地呢次住底層, 所以冇露台。
設備尚算OK啦, 簡簡單單,空間都夠。
呢度係園內既其他房，啲房既VIEW好 啲。我地今日住26號房
好啦,事不宜遲, 出發啦, 喺酒店一出, 過對面大街方向, 一條大街,
兩邊都係商舖, 睇吓有冇野食
呢個小鎮都幾舒服, 好有小鎮風貌
快速睇過, 再去JOSOPHAN'S買CHOCOLATE先
諗諗吓, 都係搭左巴士去Katoomba先, 因為Scenic World 喺Katoomba嗰邊, 火車又一個鐘先有一班, 藍山啲巴士去都5點幾就冇。都係搵巴士站先~
我地搭685去左Katoomba, 司機們個個都好NICE, 你可以叫佢提你落車, 佢見我地唔熟路, 都好樂意幫忙。
好啦, 是但搵間店食BURGER啦。
快快食完, 又去搭巴士啦, 呢次係搭686 去Scenic World啦。
YEAH, 順利搭到車啦。
車程都係十幾分鐘, 就到啦。
買飛先~ 我地買左AUD$35嗰隻,即當日可無限搭SKYWAY, CABLEWAY, RAILWAY
WELL....我地都只係搭左每樣一次。行程好趕啦。
佢會有個手帶俾你, 入去時, 就要喺部機度"嘟"一"嘟", 攪掂, 去排隊啦。
我地等第一行既位置, 所以等下一班吧。HAHA 又偷影韓妹?!?!
等左十分鐘左右，YEAH, 到我地啦, 上車。
嘩, 呢度望落去, 見唔到條路軌喎, 似乎真係好斜咁喎。
SENDY好攪笑, 形容佢為過山車, 一路好担心同好驚~
一起埗, 真係有啲斜, 我都要用膝頭哥頂住, 個人至唔跣去前面, 但幾刺激呀~!
佢唔係全程都咁斜, 又啲位都係冇咁斜既~
從山上到山腳, 1分鐘度, 攪掂, 落車啦。終於見到三姊妹峰啦。
你睇, 條路軌真係好斜架。
嘩, 景色好壯觀呀~!!
跟住我地行一小段既埗道, 感受吓個樹林既周圍面貌。
呢款冇遮冇掩既就係當年第一代既RAILWAY啦。
嘩, 呢個通風口, 真係好凍喎, 感受一下先~
呢棵樹真特別喎, 向橫生既?!?!?
呢棵樹係俾雷電劈過喎~
另一棵就好似雨傘
好啦, 行左十幾分鐘, 去到CABLEWAY既位置, 搭返佢上去啦。
嘩, 見到個野外袋鼠仔呢~~~景色都好靚呀~!!
出去都要"嘟", 跟住黎到賣紀念品地方。
袋鼠袋住左個仔之餘, 仲孭住樹熊喎, 好忙喎, 攪笑~
最後, 去搭SKYWAY啦, LET'S GO!
佢係喺兩座山上, 平行咁行 唔係下至上, 又另一角度見到三姊妹峰啦,
仲有樣驚喜位, 係...纜車喺開出去時, 係透明架。真係整片樹林在我腳下啦
SO NICE VIEW。
另一邊有個瀑布。
夾啱時間, 好彩有車,時間啱啱好, 要離開Scenic World啦, 搭到巴士去Echo Point
呢度係另一度較近去睇三姊妹峰既觀景台。
嘩,總之ALL ARE THREE SISTERS啦, 加埋我地兩個, 咪5 SISTERS囉。
唔該晒幫我地影相既遊客們。
人地幫我地影之餘, 禮尚往來, 又幫人地影返啦當然。
HAHA, 好似好近喎.....
5點零鐘啦, 巴士到了, YEAH, 順利完成今日行程, 搭返去Katoomba啦。
呢間酒店幾靚喎, 原本諗住想BOOK呢間架~最後都揀左Leisure Inn
唔近睇都唔知有兩隻狗喺度...........去行超市先~!
買完野, 周圍行吓先~
呢度啲風景又幾好喎~!
諗唔到食乜, 最後誤打誤撞, 去左呢度, The Yellow Deli, 見裏面好似有特色啲, 決定坐裏面啦。
嘩, 好田園FEEL, 佢有兩層, 上面以為有位,結果睇錯, 係有人既...
好彩好快就安排到位俾我地。
張枱度有隻青蛙呢...應該唔係真既...........
連MENU都好靚, 好似手繪本咁。
廁所喺上一層,原來呢度仲有好多位。
我地叫左一杯Strawberry Smoothies (無錯, 又係Smoothie, Sendy至愛, haha)
另外一份羊肉Burger, 一份湯 with Bread, 一件Blue Mountain Date Square~ 甜品
OH, 落大雨呢.......
好彩走時冇咁大, 於是著返件GORETEX出黎, 唔使攞遮啦。
好啦, 夜晚7點零啦, 天色開始變黑...似係變橙喎.. HA, 搭返一個站火車返Leura啦。
去到想食宵夜, 去Woolworths逛吓先, 嘩, 大霧都不行...........好似乜都睇唔到咁
買完宵夜回酒店啦, HAHA 今晚要啤啤佢先~ 支XXXX GOLD (Lager)好飲呢~
薯片都好好味呢..............弊啦, 又食啦......
出面落好大雨呀..............希望今晚落晒佢啦。GOOD NIGHT!
沒有留言:
張貼留言